ప్రపంచ వన్యప్రాణుల దినోత్సవం.. గిర్ ఫారెస్ట్ లో ప్రధాని మోదీ
ప్రపంచ వన్యప్రాణుల దినోత్సవం సందర్భంగా సోమవారం ఉదయం గుజరాత్‌లోని జునాగఢ్‌లోని గిర్ వన్యప్రాణుల అభయారణ్యంలో ప్రధానమంత్రి నరేంద్ర మోడీ సింహ సఫారీకి వెళ్లారు. జీప్ సఫారీ సందర్భంగా, ఆయనతో పాటు కొంతమంది మంత్రులు, అటవీ శాఖ సీనియర్ అధికారులు కూడా ఉన్నారు.
ప్రధాని X లో తన సందర్శన నుండి చిత్రాలను పంచుకున్నారు. "ఈ రోజు ఉదయం, ప్రపంచ వన్యప్రాణుల దినోత్సవం నాడు, నేను గిర్‌లో సఫారీకి వెళ్లాను, గిర్‌కు రావడం వల్ల నేను గుజరాత్ ముఖ్యమంత్రిగా ఉన్నప్పుడు మేము సమిష్టిగా చేసిన పనికి సంబంధించిన అనేక జ్ఞాపకాలు నెమరువేసుకున్నాను. 2001 నుండి 2014 వరకు గుజరాత్ ముఖ్యమంత్రిగా పనిచేసారు ప్రధాని మోదీ.
ఆసియాటిక్ సింహాల ఆవాసాలను కాపాడటంలో గిరిజన సంఘాలు మరియు చుట్టుపక్కల ప్రాంతాల మహిళలు పోషించిన పాత్ర ప్రశంసనీయం" అని ఆయన అన్నారు. ప్రతి జాతి కీలక పాత్ర పోషిస్తుంది -- వన్యప్రాణులను సంరక్షించడం మన బాధ్యత అని ఆయన X లో పేర్కొన్నారు.
గిర్ వన్యప్రాణుల అభయారణ్యం ప్రధాన కార్యాలయం అయిన ససన్ గిర్‌లో, ఆయన జాతీయ వన్యప్రాణుల బోర్డు (NBWL) యొక్క ఏడవ సమావేశానికి కూడా అధ్యక్షత వహిస్తారు. సమావేశం తర్వాత, ఆయన ససన్‌లోని కొంతమంది మహిళా అటవీ సిబ్బందితో సంభాషించనున్నారు.
గిర్ లో ప్రాజెక్ట్ లయన్
గుజరాత్ ఏకైక నివాసంగా ఉన్న ఆసియా సింహాల సంరక్షణ కోసం కేంద్రం గుజరాత్‌లోని గిర్ ల్యాండ్‌స్కేప్‌లో "ప్రాజెక్ట్ లయన్"ను అమలు చేసింది. ఈ ప్రాజెక్ట్ లక్ష్యం - పెరుగుతున్న జనాభాను నిర్వహించడానికి సింహాల ఆవాసాలను భద్రపరచడం.
గుజరాత్ చీఫ్ వైల్డ్ లైఫ్ వార్డెన్ కార్యాలయం నుండి వచ్చిన పత్రం ప్రకారం, సింహాల పంపిణీ ప్రాంతం 2015లో 22,000 చదరపు కిలోమీటర్ల నుండి 2020 నాటికి 30,000 చదరపు కిలోమీటర్లకు పెరిగిందని చూపిస్తుంది.