బీజేపీ పాలిత రాష్ట్రాల్లో పేరుకు మాత్రమే డబుల్ ఇంజన్ సర్కార్‌లు ఉన్నాయని మంత్రి హరీష్‌రావు ఆరోపించారు. సిద్ధిపేటలో పర్యటించిన ఆయన.. 50 మంది వికలాంగులకు హోండా స్కూటీలు పంపిణీ చేశారు. దేశంలో ఏ ముఖ్యమంత్రి ఇవ్వనివిధంగా వికలాంగులకు సీఎం కేసీఆర్ పెన్షన్ ఇస్తున్నారని అన్నారు. మహారాష్ట్ర, కర్ణాటక రాష్ట్రాల్లో వెయ్యి రూపాయలు మాత్రమే పెన్షన్లు ఇస్తున్నారని చెప్పారు. తెలంగాణలో లక్ష రూపాయల విలువైన బైక్‌లను వికలాంగులకు ప్రభుత్వం ఉచితంగా పంపిణీ చేస్తోందని మంత్రి హరీష్‌రావు తెలిపారు.