నెల్లూరు బారాషాహీద్ రొట్టేల పండుగ ఘనంగా ప్రారంభమైంది. జిల్లాకే విశిష్టతను తెచ్చిన వైవిధ్య ఉత్సవానికి రెండు తెలుగు రాష్ట్ర నలుమూలల నుంచేకాదు దేశ, విదేశాల నుంచి కూడా భక్తులు పెద్ద సంఖ్యలో నెల్లూరు జిల్లాకు తరలివస్తారు. కోరిన కోర్కెలు తీర్చే సంబరాల రొట్టెల పండుగ ప్రతి ఏటా మొహర్రం నెల ప్రారంభమైన తర్వాత వచ్చే పదకొండో రోజు నుంచి మూడ్రోజులపాటు జరుగుతుంది. అయితే భక్తులు విశ్వాసాన్ని పరిగణలోకి తీసుకున్న గత టీడీపీ ప్రభుత్వం రొట్టెల పండుగను మూడు నుండి ఐదు రోజులకు పెంచింది.