పంజాబ్‌ లుథియానాలో BMW కారు అగ్నికి ఆహుతైంది. రోడ్డుపై వెళ్తున్న కారులోంచి అకస్మాత్తుగా మంటలు చెలరేగాయి. చూస్తుండగానే కారులో మంటలు ఒక్కసారిగా పెరిగాయి. స్థానికులు హుటాహుటినా పరిగెత్తుకుంటూ వచ్చి మంటలను అదుపుచేసేందుకు ప్రయత్నించారు. అయినా దట్టమైన పొగలు అలుముకుని మంటలు ఉవ్వెత్తున ఎగిసిపడ్డాయి. స్థానికుల సమాచారంతో సంఘటనా స్థలానికి వచ్చిన అగ్నిమాపక సిబ్బంది మంటలను అదుపు చేసేందుకు ప్రయత్నించారు. అయితే కారు డ్రైవర్ అప్రమత్తతో ప్రాణాపాయం తప్పింది. కోట్ల విలువైన BMW కారు మంటలకు బుగ్గిపాలైంది. కేసు నమోదు చేసుకున్న పోలీసులు దర్యాప్తు చేపట్టారు.