వైఎస్ షర్మిల కాంగ్రెస్ పార్టీలోకి వస్తుండటం సంతోషంగా ఉందని తెలంగాణ సీఎల్పీ నేత భట్టి విక్రమార్క అన్నారు. వైఎస్ఆర్ కుటుంబమంటే కాంగ్రెస్ పార్టీకి చాలా గౌరవముందని తెలిపారు. భావోద్వేగాలతో వారు పార్టీకి దూరమయ్యారని చెప్పారు. ఇప్పుడు తిరిగి సొంతింటికి వస్తున్నట్లు భావిస్తున్నామని అన్నారు.
ఉదయం వీఐపీ విరామ సమయంలో ఆయన కాంగ్రెస్ నాయకులతో కలిసి శ్రీవారిని దర్శించుకున్నారు. జరగబోయే ఎన్నికల్లో కాంగ్రెస్ పార్టీ తెలంగాణాలో భారీ మెజారిటీతో గెలిచి, అధికారంలోకి వస్తుందని ధీమా వ్యక్తం చేసారు. బీఆర్ఎస్ పార్టీ బీజేపీకి బీ టీం లాంటిదని ఆరోపించారు.