ఉమ్మడి ఖమ్మం జిల్లా వ్యాప్తంగా కూడా హస్తం జోరు కొనసాగుతోంది. మొత్తం పది నియోజకవర్గాల్లో 8 నియోజకవర్గాల్లో ఆ పార్టీ అభ్యర్థులు ముందంజలో ఉన్నారు. పినపాకలో -పాయం వెంకటేశ్వర్లు, ఇల్లెందు - కోరం కనకయ్య, ఖమ్మం - తుమ్మల నాగేశ్వరరావు, పాలేరు -పొంగులేటి శ్రీనివాస్ రెడ్డి, మధిర- భట్టి విక్రమార్క ఆధిక్యంలో ఉన్నారు. వైరా - మాలోతు రామ్ దాస్ , సత్తుపల్లి - మట్టా రాగమయి, అశ్వారావుపేట – ఆదినారాయణ ముందంజలో ఉన్నారు. కొత్తగూడెంలో సీపీఐ నుంచి కూనంనేని సాంబశివరావు ఆధిక్యంలో కొనసాగుతున్నారు. భారాస నుంచి భద్రాచలంలో తెల్లం వెంకట్రావు ముందంజలో ఉన్నారు.