రేవంత్‌ వ్యాఖ్యలను తీవ్రంగా ఖండించారు మంత్రి ఇంద్రకరణ్‌రెడ్డి. తెలంగాణ రైతుల ఆర్ధిక పురోభివృద్ధి నచ్చని రేవంత్‌కి ఎంత కండ్ల మంట ఉందో అర్థమవుతుందన్నారు. సీఎం కేసీఆర్‌ రైతులకు కొండంత అండగా నిలిచి ఆదుకుంటుంటే... కాంగ్రెస్‌ మాత్రం రైతుల పొట్టగొట్టేందుకు చూస్తుందని మండిపడ్డారు. రైతులను మళ్లీ చీకట్లో నెట్టేసే కాంగ్రెస్‌ ప్రయత్నాలను ప్రజలు తిప్పికొడతారన్నారు. ఇప్పటికే ధరణి వద్దంటున్నారని, రేపు రైతుబంధు, రైతు బీమా కూడా వద్దంటారని ధ్వజమెత్తారు.