నెల్లూరులో హై టెన్షన్‌ నెలకొంది. ఇండియన్ నేషనల్ లీగ్ రాష్ట్ర అధ్యక్షుడు సయ్యద్ సమి హుస్సేనిని అరెస్ట్ చేసేందుకు రంగం సిద్ధమైంది. ఆయన ఇంటికి భారీగా చేరుకున్నారు పోలీసులు. వైసీపీ ఎంపీ ఆదాల ప్రభాకర్ రెడ్డిపై విమర్శలు చేసినందుకే సయ్యద్ సమీ ని ప్రభుత్వం టార్గెట్‌ చేసిందని ప్రతిపక్షాలు మండిపడుతున్నాయి. ఆయనకు మద్దతుగా నిలిచారు నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి.సమీకి ఇంటికి వెళ్లి పరిస్థితిని అడిగి తెలుసుకున్నారు. పోలీసుల తీరుపై మండిపడ్డారు.