ప్రకాశం జిల్లా టంగుటూరు మండలం ఆలకూరపాడులో మావోయిస్టు దివంగత నేత ఆర్కే అలియాస్‌ రామకృష్ణ భార్య శిరీషను NIA అధికారులు అరెస్ట్‌ చేశారు. శిరీష అరెస్ట్‌ను విరసం నేత కళ్యాణరావు ఖండించారు. NIA అధికారులు ముందస్తు సమాచారం కానీ నోటీసులు కానీ ఇవ్వకుండా శిరీషను అరెస్ట్‌ చేసి తీసుకెళ్లడం అప్రజాస్వామికం అన్నారు. పాత కేసులేమైనా ఉంటే ముందుగా నోటీసులు ఇవ్వాలన్నారు. ఎలాంటి నోటీసులు ఇవ్వకుండా అరెస్ట్‌ చేయడంపై కళ్యాణరావు ఆగ్రహం వ్యక్తం చేశారు.