నెల్లూరు జిల్లా కావలి జనతాపేట సౌత్ సాంఘీక సంక్షేమ హాస్టల్ వద్ద షార్ట్‌ సర్క్యూట్‌తో కారు దగ్ధమైంది. జలదంకి మండలం జమ్మలపాలెం గ్రామానికి చెందిన ఓ కుటుంబం కావలిలో జరిగిన వివాహ వేడుకకు హాజరయ్యారు. కారులోంచి దిగుతుండగా ఒక్కసారిగా మంటలు చెలరేగాయి. మంటలు ఎగసిపడి పైన ఉన్న విద్యుత్ తీగలను తాకటంతో అప్రమత్తమైన విద్యుత్ సిబ్బంది విద్యుత్‌ను నిలిపివేశారు. ఘటనాస్థలానికి చేరుకున్న అగ్నిమాపక సిబ్బంది మంటలను అదుపు చేశారు. కేసు నమోదు చేసుకున్న పోలీసులు దర్యాప్తు ప్రారంభించారు.