కెనడాలో భారత్‌కు వ్యతిరేకంగా ఖలిస్తానీ మద్దతుదారులు భారీగా ఆందోళనలు చేపట్టారు. టొరంటోలోని ఇండియన్‌ కాన్స్‌లేట్ ముందు పెద్ద ఎత్తున ర్యాలీ చేపట్టారు.పోస్టర్లతో పెద్ద ఎత్తున ప్రచారం చేశారు. వందలాది మంది భారత కాన్సులేట్ ముందు ఖలిస్తాన్ జెండాలతో ప్రదర్శన నిర్వహించారు. అయితే అక్కడ ఉండే భారతీయులు కూడా అదే స్థాయిలో స్పందించారు. భారతదేశానికి మద్దతుగా నినాదాలు చేశారు. ఇరు వర్గాలు పోటాపోటీగా జెండాలను పట్టుకుని ప్రదర్శనకు దిగారు. తొలుత ఖలిస్తానీలు ఆందోళనలు చేపట్టగా.. ఆ తరువాత భారత్ మద్దతు ప్రదర్శనలు జరిగాయి.