గ్రూప్ -2 అభ్యర్ధుల TSPSC ముట్టడి కేసులో ఒకరిని అరెస్ట్ చేశారు పోలీసులు. అశోక్ గౌడ్‌ అనే కోచింగ్ నిర్వాహకుడిని అరెస్ట్‌ చేశారు. అశోక్ ఆన్‌లైన్‌ ఇన్సిట్యూట్‌ పేరుతో అశోక్ గౌడ్ గ్రూప్స్‌ అభ్యర్ధులకు కోచింగ్‌ ఇస్తున్నాడు. అభ్యర్ధుల్ని రెచ్చగొట్టారంటూ ఆయనపై కేసు నమోదు చేసిన పోలీసులు ఇవాళ కోర్టులో హాజరు పరిచారు. కోర్టు అశోక్ గౌడ్‌కు 14 రోజుల పాటు జ్యూడిషియల్ రిమాండ్ విధించింది. దీంతో అశోక్ గౌడ్‌ను చంచల్ గూడా జైలుకు తరలించారు పోలీసులు.