Ind vs Sri Lanka: విరాజ్ పై సినీ ప్రముఖల ప్రశంసలు
సెప్టెంబర్ 17న జరిగిన ఆసియా కప్ 2023లో భారత క్రికెట్ జట్టు విజయం సాధించడంతో భారత్ సంబరాల్లో మునిగిపోయింది. శ్రీలంకను 10 వికెట్లతో ఓడించిన టీమిండియా దేశవ్యాప్తంగా సంబరాలు చేసుకుంది. క్రికెట్ అభిమానుల నుంచి సెలబ్రిటీల వరకు సోషల్ మీడియాలో టీమిండియాకు అభినందనలు వెల్లువెత్తుతున్నాయి. అనుష్క శర్మ తన ఇన్‌స్టాగ్రామ్ స్టోరీలో సిరాజ్‌ను అభినందించి, అతనికి ఒక పోస్ట్‌ను అంకితం చేసింది. అతని ఫొటోతో పాటు "క్యా బాత్ హై మియాన్! మ్యాజిక్" అని రాసుకువచ్చింది.
'ఆర్ఆర్ఆర్' దర్శకుడు SS రాజమౌళి సైతం ట్విట్టర్‌లోకి వెళ్లి మ్యాచ్‌లో మహ్మద్ సిరాజ్ ప్రతిభను ప్రశంసించారు. "సిరాజ్ మియాన్, మా టోలీచౌకీ కుర్రాడు ఆసియా కప్ ఫైనల్‌లో 6 వికెట్లతో మెరిశాడు. అతని స్వంత బౌలింగ్‌లో బౌండరీని ఆపడానికి లాంగ్-ఆన్ వరకు పరిగెడుతున్న పెద్ద హృదయం ఉంది" అని రాసుకువచ్చారు.
విక్కీ కౌశల్ కూడా మొహమ్మద్ సిరాజ్‌ను ప్రశంసించారు. ఆసియా కప్ 2023లో భారతదేశం విజయం గురించి ఒక పోస్ట్‌ను పంచుకున్నారు. "ఆన్ ఫైర్! వాట్ ఎ స్పెల్!" అని క్యాప్షన్ లో జోడించారు. వీరితో పాటు పలువురు సినీ ప్రముఖులు విరాజ్ ను పొగుడుతూ సోషల్ మీడియాలో పోస్టులు పెడుతున్నారు.
Siraj Miyan, Our Tolichowki boy shines at the Asia Cup final with 6 wickets…👌🏽👌🏽👌🏽👏🏻👏🏻👏🏻
— rajamouli ss (@ssrajamouli) September 17, 2023
And has a big heart, running to long-on to stop the boundary off his own bowling… 🤗🤗🤗
