కారు ప్రమాదంలో ప్రాణాలు కోల్పోయిన పోర్చుగీస్ ఫుట్‌బాల్ క్రీడాకారుడు..
లివర్‌పూల్ స్టార్ డియోగో జోటా చిన్ననాటి స్నేహితురాలిని వివాహం చేసుకున్న రెండు వారాల తర్వాత కారు ప్రమాదంలో విషాదకరంగా ప్రాణాలు కోల్పోయాడు. అతనికి 28 సంవత్సరాలు.
గురువారం తెల్లవారుజామున జమోరా ప్రావిన్స్‌లోని A-52లో జరిగిన ఈ ప్రమాదంలో జోటా తన సోదరుడు, ఫుట్‌బాల్ క్రీడాకారుడు ఆండ్రీతో కలిసి కారులో ప్రయాణిస్తున్నాడు. ఆండ్రీ కూడా ఈ ప్రమాదంలో మరణించాడు. జోటో ఇటీవలే తన చిన్ననాటి స్నేహితురాలు రూట్ కార్డోసోను వివాహం చేసుకున్నాడు.
జోటా సెప్టెంబర్ 2020లో వోల్వర్‌హాంప్టన్ వాండరర్ నుండి ప్రీమియర్ లీగ్ దిగ్గజాలు లివర్‌పూల్ FC తరపున సంతకం చేశాడు. అతని సోదరుడు, 26 ఏళ్ల ఆండ్రీ, పోర్చుగీస్ రెండవ డివిజన్‌లో పెన్నాఫియల్ తరపున ఆడాడు.
పోర్చుగీస్ ఫుట్‌బాల్ సమాఖ్య అధిపతి పెడ్రో ప్రోయెంకా ఈ వార్తను ధృవీకరించారు.
"స్పెయిన్‌లో ఈ ఉదయం డియోగో జోటా మరియు ఆండ్రీ సిల్వా మరణాలతో పోర్చుగీస్ ఫుట్‌బాల్ సమాఖ్య తీవ్ర విచారం వ్యక్తం చేసింది. డియోగో జోటా ఒక అసాధారణ వ్యక్తి, సహచరులు, ప్రత్యర్థులచే గౌరవించబడ్డాడు అని ఒక ప్రకటనలో తెలిపింది.