ROHIT: రోహిత్ శర్మ రికార్డు బ్రేక్
ముంబై యువ బ్యాటర్ ఆయుశ్ మాత్రే చరిత్ర సృష్టించాడు. సయ్యద్ ముస్తాక్ అలీ ట్రోఫీలో భాగంగా విదర్భపై 49 బంతుల్లో (8*4, 8*6) సెంచరీ కొట్టి నయా రికార్డు క్రియేట్ చేశాడు. దీంతో టీ20, ఫస్ట్ క్లాస్, లిస్ట్ ఏ మ్యాచుల్లో శతకాలు చేసిన అత్యంత పిన్న వయస్కుడిగా నిలిచి.. రోహిత్ శర్మ రికార్డు బ్రేక్ చేశాడు. 19 ఏళ్ల 339 రోజుల వయసులో రోహిత్ ఈ ఫీట్ సాధించగా.. మాత్రే 18 ఏళ్ల 135 రోజుల వయసులోనే దానిని అందుకున్నాడు. ఫస్ట్ క్లాస్ క్రికెట్, లిస్ట్ ‘ఎ’లో శతకాలు నమోదు చేసుకున్న ఆయుశ్... తాజాగా సయ్యద్ ముస్తాక్ అలీ ట్రోఫీలో విదర్భతో మ్యాచ్‌లో టీ20 ఫార్మాట్‌లోనూ సెంచరీ చేశాడు. తద్వారా చిన్న వయసు (18 సంవత్సరాల 135 రోజులు)లో ఈ ఘనత సాధించిన ప్లేయర్‌గా రికార్డుల్లోకెక్కాడు. అంతకు ముందు రోహిత్ శర్మ (19 సంవత్సరాల 339 రోజులు) ఫస్ట్-క్లాస్, లిస్ట్ ఏ, టీ20 ఫార్మట్ లో సెంచరీలు చేశాడు. 2007 ప్రారంభంలో ముంబై తరపున భారత బ్యాట్స్‌మన్ చేసిన తొలి టీ20 సెంచరీతో రోహిత్ ఈ సెట్‌ను పూర్తి చేశాడు.
కోహ్లీ, రోహిత్ ఉన్నా.. ఓడిపోయేవాళ్లం
సౌతాఫ్రికాతో ఘోర పరాజయం అనంతరం టీమిండియా మేనేజ్‌మెంట్, సెలెక్టర్లపై సర్వత్రా విమర్శలు వ్యక్తమవుతుండగా.. దిగ్గజ క్రికెటర్ సునీల్ గవాస్కర్ మాత్రం వారికి మద్దతు తెలిపాడు. ప్రస్తుతం జట్టు సంధి దశలో ఉందని తెలిపారు. దాంతోనే ఆశించిన ఫలితం దక్కలేదని అభిప్రాయపడ్డాడు. విరాట్ కోహ్లీ, రోహిత్ శర్మ జట్టులో ఉంటే ఫలితం మరోలా ఉండేదనే వాదనను తప్పుబట్టారు. కోహ్లీ, రోహిత్ జట్టులో ఉన్నా ఇదే ఫలితం పునరావృతమయ్యేదని నొక్కి చొప్పాడు. సౌతాఫ్రికాతో రెండు టెస్ట్‌ల సిరీస్‌లో టీమిండియా 0-2తో క్లీన్ స్వీప్ అయిన సంగతి తెలిసిందే. గౌతమ్ గంభీర్ పర్యవేక్షణలో టీమిండియా రెండు సిరీస్‌ల్లో క్లీన్ స్వీప్ కావడంతో అభిమానులు ఆగ్రహం వ్యక్తం చేస్తున్నారు. సీనియర్లు రోహిత్, కోహ్లీ, అశ్విన్‌లను ఇంకొన్నాళ్లు జట్టులో కొనసాగించాల్సిందని అభిప్రాయపడ్డారు. అయితే ఈ వాదనను గవాస్కర్ తప్పుబట్టాడు. కోహ్లీ, రోహిత్, అశ్విన్ ఉండగానే న్యూజిలాండ్ చేతిలో 3-0తో టీమిండియా క్లీన్ స్వీప్ అయిందనే విషయాన్ని గుర్తు చేశారు. ఆస్ట్రేలియా పర్యటనలో కూడా టీమిండియా ఓడిపోయిందని చెప్పారు. టీమిండియా హెడ్‌ కోచ్‌గా గౌతమ్ గంభీర్‌ను కొనసాగించాలని బీసీసీఐ భావిస్తున్నట్లు తెలుస్తోంది.