Tymal Mills : రెండున్నరేళ్ల కూతురికి స్ట్రోక్.. లీగ్ నుంచి వైదొలగిన టైమల్

Tymal Mills : టైమల్ మిల్స్ తాను ఆస్ట్రేలియాకు విమానం ఎక్కబోతున్న సమయంలో తన రెండేళ్ల కుమార్తెకు స్ట్రోక్ వచ్చినందున బిగ్ బాష్ లీగ్ నుండి వైదొలిగినట్లు ప్రకటించాడు. ఇంగ్లండ్ ఫాస్ట్ బౌలర్ 2022-23 ఆస్ట్రేలియన్ T20 పోటీలో పెర్త్ స్కార్చర్స్ తరపున ఆడవలసి ఉంది. అయితే ఆ సమయంలో కూతురి అనారోగ్యం కారణంగా గత వారం వైదొలిగాడు.

30 ఏళ్ల టైమల్ తన చిన్నారికి చికిత్స చేయించి కోలుకున్నాక ఆసుపత్రి నుండి ఇంటికి వెళుతున్నట్లు చూపించే ఫోటోను ఇన్‌స్టాగ్రామ్‌లో పోస్ట్ చేశాడు. చిత్రంతో పాటు, అతను ఇలా వ్రాశాడు: "అత్యంత భయంకరమైన 11 రోజుల తర్వాత క్రిస్మస్ పండుగను ఆనందంగా జరుపుకునేందుకు ఇంటికి వచ్చాము. మేము ఆస్ట్రేలియాకు బయలుదేరే సమయంలో విమానాశ్రయంలో ఉన్నప్పుడు మా కుమార్తె స్ట్రోక్‌తో బాధపడింది. "ఆమె తన శరీరం యొక్క ఎడమ వైపు పూర్తిగా స్పర్శను కోల్పోయింది.

వైద్యుల పర్యవేక్షణలో చికిత్స అనంతరం త్వరగా కోలుకొని అందరినీ ఆశ్చర్యపరిచింది. ఆమె ఆస్పత్రిలో పూర్వం మాదిరిగా చలాకీగా ఉండడంతో డాక్టర్లు డిశ్చార్జ్ చేశారు. "అయితే మళ్లీ మరికొన్ని చెకప్‌ల కోసం రావలసి ఉంది. మరికొన్ని పరీక్షలు, స్కాన్‌లు ఉన్నాయి. మేము ప్రస్తుతం మా స్వస్థలంలోనే ఉన్నందుకు మేము చాలా కృతజ్ఞులం అని టైమల్ దేవునికి ధన్యవాదాలు తెలిపారు.