BHATTI: 3 ట్రిలియన్ ఎకానమీగా తీర్చిదిద్దాలన్నదే లక్ష్యం
తెలంగాణ 3 ట్రిలియన్ ఎకానమీ లక్ష్యంగా పనిచేస్తున్నట్లు చెప్పారు డిప్యూటీ సీఎం భట్టి విక్రమార్క. త్రీ ట్రిలియన్ ఎకానమీ కావాలంటే 2047 నాటికి తెలంగాణకు లక్షా 39 వేల మెగావాట్ల విద్యుత్ అవసరం ఉంటుందని తెలిపారు. ప్రజాభవన్ విద్యుత్ పై సమీక్ష నిర్వహించిన భట్టి.. పవర్ పాయింట్ ప్రజెంటేషన్ ద్వారా విద్యుత్ లెక్కలు వెల్లడించారు. రాష్ట్రంలో ఇంధనం డిమాండ్ పై సమీక్ష నిర్వహించిన భట్టీ.. తెలంగాణను ప్రపంచ స్థాయి నగరాలతో అభివృద్ధి చేయాలనే లక్ష్యంతో పనిచేస్తున్నట్లు తెలిపారు. విద్యుత అవసరాలు తీర్చేందుకు ప్రణాళికలు సిద్ధం చేశామని చెప్పారు. తెలంగాణ త్రీ ట్రిలియన్ ఎకానమీ కావాలంటే.. అందుకు కవాల్సిన పెట్టుబడులకు విద్యుత్ కావాలని అన్నారు. ఉత్పత్తి రంగాలు అభివృద్ధి చెందితేనే ఎకానమీ ఆశించిన స్థాయిలో ఉంటుందన్నారు. డేటా సెంటర్లతో హైదరాబాద్ గ్లోబల్ హబ్ గా మారబోతోందని చెప్పారు. తెలంగాణలో పవర్ డిమాండ్ పదేళ్లుగా పెరుగుతోందన్న భట్టీ.. 2014 నుంచి 14.2 శాతం గ్రోత్ రేట్ తో పవర్ డిమాండ్ ఉన్నట్లు తెలిపారు. 2021 నుంచి 5.44 గ్రోత్ రేట్ తో ఉన్న డిమాండ్.. 2024 -25 నాటికి 9.4 శాతంగా ఉన్నట్లు తెలిపారు. ఇక2025 నుంచి 2034-, 35 వరకు 6.4 శాతం గ్రోత్ రేట్ ఉంటుందని తెలిపారు. ఓవరాల్ గా 8.50 శాతం ఉండబోతోందన్నారు.
భవిష్యత్తు ప్రణాళికలు...
విద్యుత్ అవసరాలు తీర్చేందుకు ప్రణాళికలు తయారు చేశామని డిప్యూటీ సీఎం భట్టి విక్రమార్క తెలిపారు. రాష్ట్రంలో విద్యుత్ పరిస్థితి, భవిష్యత్ అవసరాల కోసం సన్నద్ధతపై పవర్ పాయింట్ ప్రజంటేషన్ ఇచ్చారు. స్పష్టమైన అవగాహనతో విద్యుత్ రంగంపై పవర్ పాయింట్ ప్రజంటేషన్ ఇస్తున్నామని అన్నారు. 2047 వరకు 3 ట్రిలియన్ డాలర్ల ఎకానమీగా చేరాలని తీర్చిదిద్దుతున్నామని హామీ ఇచ్చారు. సీఎం, కేబినెట్‌ సహచరులు కలిసి నిర్ణయం తీసుకున్నామని తెలిపారు. 3 ట్రిలియన్ డాలర్ల ఎకానమీగా చేరడానికి పెట్టుబడులు రావాలని, రాష్ట్రాన్ని ప్రపంచస్థాయి నగరంగా అభివృద్ధి చేయాలని వెల్లడించారు. ఉత్పత్తి రంగాలు అభివృద్ధి చెందితేనే ఆశించిన స్థాయిలో ఎకానమీ ఉంటుందని, పదేళ్లుగా రాష్ట్రంలో విద్యుత్ వినియోగం భారీగా పెరుగుతోందని చెప్పారు. కాంగ్రెస్‌ ప్రభుత్వం వచ్చాక 10 శాతం విద్యుత్ డిమాండ్ పెరిగిందని వివరించారు.