@10am update.. జీహెచ్‌ఎంసీ ఎన్నికల ఓట్ల లెక్కింపు
జీహెచ్‌ఎంసీ ఎన్నికల ఫలితాల్లో.. పోస్టల్ బ్యాలెట్‌లో బీజేపీ లీడ్‌లో కొనసాగుతోంది. మెజారిటీ స్థానాల్లో బీజేపీ ఆధిక్యంలో దూసుకుపోతోంది. 72 చోట్ల బీజేపీ ఆధిక్యంలో ఉంది. టీఆర్‌ఎస్‌ 35 చోట్ల పోస్టల్ బ్యాలెట్‌లో లీడ్‌లో ఉంది. MIM 28 చోట్ల, కాంగ్రెస్‌ 1 స్థానంలో లీడ్‌లో ఉన్నాయి. మల్కాజ్‌గిరిలో బీజేపీకి 5 పోస్టల్ బ్యాలెట్‌ ఓట్లు పడ్డాయి. ఒక ఓటు తిరస్కరించారు. జాంబాగ్‌లో బీజేపీకి 2 రెండు పోస్టల్ ఓట్లు పడగా.. టీఆర్ఎస్కు ఒక్కటీ రాలేదు. జియాగూడ డివిజన్‌లోని 14 పోస్టల్ బ్యాలెట్‌ ఓట్లలో బీజేపీకి 9 ఓట్లు లభించాయి. టీఆర్ఎస్కు 4 రాగా.. ఒక ఓటు చెల్లలేదు.
లంగర్ హౌస్‌లోని మొత్తం 6 పోస్టల్ బ్యాలెట్లలో బీజేపీకి 2, MIMకి 1, టీఆర్‌ఎస్‌ 1, ఇండిపెండెంట్‌కు 1 లభించాయి. కాచిగూడలో డివిజన్‌లో బీజేపీకి 3 పోస్టల్ ఓట్లు పోలవగా.. 3 ఇన్‌వాలిడ్ అయ్యాయి. నల్లకుంటలో బీజేపీకి 9 పోస్టల్ ఓట్లు రాగా టీఆర్ఎస్కు 2 వచ్చాయి. బాగ్ అంబర్‌పేట్‌లో బీజేపీకి ఏకంగా 10 పోస్టల్ ఓట్లు పోలయ్యాయి. టీఆర్ఎస్కు ఒకటి వచ్చింది. గోల్నాక డివిజన్‌లో బీజేపీకి 4, టీఆర్ఎస్కు 2 పోస్టల్ ఓట్లు లభించాయి.
ఓల్డ్ బోయిన్‌పల్లి డివిజన్‌లో 17 పోస్టల్ బ్యాలెట్‌ ఓట్లు వచ్చాయి. వీటిలో టీఆర్ఎస్కు 8 , బీజేపీకి 7 ఓట్లు రాగా రెండు ఓట్లు తిరస్కరించారు. జూబ్లీ హిల్స్‌లో నమోదైన పోస్టల్ బ్యాలెట్లలో టీఆర్ఎస్కు 1, బీజేపీకి 1, టీడీపీ 1 ఓట్లు లభించాయి. బంజారాహిల్స్‌లో కాంగ్రెస్‌ 4, బీజేపీ 3 ఓట్లు సాధించాయి. షేక్‌పేటలో టీఆర్‌ఎస్‌ 1, MIM 1 ఓటు సాధించాయి. ఫతేనగర్‌ డివిజన్‌లో ఒకే ఒక్క పోస్టల్ బ్యాలెట్‌ నమోదైందవగా అది టీఆర్ఎస్కు పడింది. బాలానగర్‌లో టీఆర్ఎస్కు 5 బీజేపీకి 2 పోస్టల్ బ్యాలెట్‌ ఓట్లు వచ్చాయి.