హైదరాబాద్‌ హాస్టళ్లు.. కుళ్లిపోయిన కూరగాయలతో వంటలు
'ఫుడ్ సేఫ్టీ ఆన్ వీల్స్' వాహనంతో పాటు తెలంగాణ ఆహార భద్రతా విభాగం బృందం బుధవారం హైదరాబాద్‌లోని పీజీలు, హాస్టళ్లలో తనిఖీలు నిర్వహించింది.ఎలాంటి ఎఫ్‌ఎస్‌ఎస్‌ఏఐ లైసెన్సులు లేకుండానే హాస్టళ్లు నిర్వహిస్తున్నట్లు తనిఖీల్లో తేలింది.
శ్రీ లక్ష్మి ఎగ్జిక్యూటివ్ మెన్స్ హాస్టల్‌లో శిలీంధ్రాలు సోకిన బంగాళదుంపలు, కుళ్లిన టమాటాలు, తుప్పుపట్టిన దోశ పెనంలను పరిశీలించారు. అంతేకాకుండా, కల్తీ టీ పౌడర్ వాడుతున్నట్లు నిర్ధారణ అయింది.
హరి హెవెన్ లగ్జరీ మెన్స్ హాస్టల్‌లో గడువు ముగిసిన పెప్పర్ మసాలా, చోలే మసాలా, ఫిష్ మసాలా దొరికాయి. వాటర్ డిస్పెన్సర్‌లో చీమలు ఉన్నాయి.
హైదరాబాద్‌లోని అయ్యప్ప సొసైటీలోని ఒక హోటల్‌లో, తిరుమల ఎగ్జిక్యూటివ్ మెన్స్ హాస్టల్‌లో తుప్పుపట్టిన దోశ పెనంలు, తెరిచిన డస్ట్‌బిన్‌లు కనిపించాయి. బియ్యపు పిండికి పురుగులు పట్టగా, చిల్లీ సాస్ నమూనా స్పాట్ టెస్ట్‌లో విఫలమైంది.
R3 కొలివ్ వద్ద, తుప్పుపట్టిన దోశ తవాలు, వంటగది గోడలపై గుట్కా ఉమ్మి వేసిన గుర్తులు, అపరిశుభ్రమైన వంటగది గమనించబడ్డాయి. అంతేకాకుండా, చిల్లీ సాస్, టొమాటో సాస్, టీ పౌడర్ యొక్క నమూనాలు స్పాట్ పరీక్షలలో విఫలమయ్యాయి.
హైదరాబాద్‌లోని పీజీల వద్ద అపరిశుభ్రత నెలకొంది
మమత ఎగ్జిక్యూటివ్ ఉమెన్స్ పీజీలోని వర్క్ ఏరియా, రిఫ్రిజిరేటర్, వాష్ ఏరియాలో అపరిశుభ్రతను గమనించారు. అదనంగా, తాగునీరు స్పాట్ టెస్ట్‌లో విఫలమైంది. PGలో సింథటిక్ ఫుడ్ కలర్స్ వాడకం కనుగొనబడింది.
7 హిల్స్ లగ్జరీ పీజీ ఫర్ మెన్ వద్ద, తుప్పుపట్టిన పాత్రలు, వంటగది ప్రాంతంలో బొద్దింకలు, తెరిచి ఉన్న డస్ట్‌బిన్‌లు వంటి అపరిశుభ్ర వాతావరణంతో పురుగులు పట్టిన రవ్వను కనుగొన్నారు.
హైదరాబాద్‌లోని వివిధ హాస్టళ్లు, పీజీల్లో ఫుడ్ సేఫ్టీ డిపార్ట్‌మెంట్‌ తనిఖీలు నిర్వహించడం ఇదే తొలిసారి కాదు. ఇంతకు ముందు చాాలా సార్లు జరిగాయి. అధికారులు వచ్చి వార్నింగ్ ఇస్తారు లేదంటే కొన్ని రోజులు హాస్టల్స్ ని సీజ్ చేస్తారు. గడువు ముగిసిన తరువాత మళ్లీ యథామామూలే.