నిజాయితీ చాటుకున్న ఆటో డ్రైవర్.. !

తన ఆటోలో మరిచిపోయిన బ్యాగ్ ను తిరిగిచ్చి నిజాయతీ చాటుకున్నాడు హైదరాబాదుకి చెందిన ఓ ఆటో డ్రైవర్.. వివరాల్లోకి వెళ్తే.. రఫీ అనే వ్యక్తి తన కుటుంబంతో కలిసి అంబర్​పేట్​కు ఓ ఫంక్షన్​కు వచ్చాడు. ఆ తర్వాత తిరిగి చార్మినార్​కు వెళ్లే క్రమంలో ఆటో ఎక్కాడు.. అయితే ఆ ఆటోలో బ్యాగ్ ను మరిచిపోయాడు.

ఆ బ్యాగులో 3 తులాల బంగారం, రూ. 5వేల నగదు ఉండడంతో... వెంటనే రఫీ అంబర్​పేట్ ఠాణాలో ఫిర్యాదు చేశాడు. విచారణలో భాగంగా పోలీసులు సీసీటీవీ కెమెరా ద్వారా ఆటోను గుర్తించి ఆ అటో డ్రైవర్ కి ఫోన్ చేశారు.

అప్పటికే స్పందించిన డ్రైవర్.. ఆటోలో మరిచిపోయిన బ్యాగ్ ని అంబర్​పేట్ పోలీస్​స్టేషన్​లో బాధితులకు అప్పగించాడు. నిజాయితీ చాటుకున్న ఆటో డ్రైవర్​ను అభినందించి బహుమతిగా రెండు వేల రూపాయలు ఇచ్చారు.