KCR: మేము రూ.3 లక్షలు ఇస్తాం.. మీరు రూ.25 లక్షలు ఇవ్వండి.. మోదీకి కేసీఆర్ డిమాండ్..

KCR: ఈరోజు (శనివారం) జరిగిన ప్రెస్ మీట్‌లో కేసీఆర్ మాట్లాడిన పాయింట్స్ ఇవే..

• మేం ధర్నా చేసిన రోజు కూడా రాష్ట్ర ప్రభుత్వంతో చర్చలు జరుపుతామన్నారు.
  
• చివరి ప్రయత్నంగా రేపు ఢిల్లీ వెళ్తున్నాం.
• అవసరమైతే ప్రధానిని కూడా కలిసి డిమాండ్ చేద్దామనుకున్నాం.
• ఏదో ఒకటి తేల్చకపోతే రైతులు కన్ఫ్యూజన్‌లో ఉంటారు.
• అనవసరమైన ఇబ్బందులు వచ్చే అవకాశం ఉంది.
• ముందే చేప్తే వేరే పంట వేసుకునే వాళ్లం కదా అని రైతులంటారు.
• మొన్న వాళ్లిచ్చిన స్టేట్‌మెంట్‌ నిజమా అబద్ధమా తెలియదు.. గాలి వార్తయితే వచ్చింది.
• వార్త నిజమా కాదా అనేది తేల్చుకునేందుకే ఢిల్లీ వెళ్తున్నాం.
• ఢిల్లీలో సమావేశం తర్వాత రైతులకు వివరాలు వెల్లడిస్తాం.
• ప్రకృతి కలిగించిన ఇబ్బందులు తట్టుకుని రైతులు అద్భుతమైన విజయం సాధించారు.
• రైతుల మీద పెట్టిన కేసులు వెంటనే ఎత్తివేయాలి.
• దిశ అనే అమ్మాయి సంఘీభావం తెలిపితే ఆమెపై దేశద్రోహం కేసు పెట్టారు.
• ఇలాంటి కేసులన్నీ తక్షణమే ఎత్తివేయాలని ప్రధానిని డిమాండ్ చేస్తున్నాం.
• పోరాటంలో 750 మంది వరకు రైతులు ఆత్మార్పణం చేసుకున్నారు.
• చనిపోయిన వారందరికీ సంఘీభావం ప్రకటిస్తున్నాం.
• రైతు ఆందోళనలో చనిపోయిన వారందరికీ రూ.3 లక్షలు ఎక్స్‌గ్రేషియా ప్రకటిస్తున్నాం.
• అవసరమైతే నేను కూడా వెళ్లి రైతు కుటుంబాలను పరామర్శిస్తా.
• ఎన్ని కేసులు పెట్టినా, నిర్బంధాలు పెట్టినా తట్టుకుని పోరాడారు.
• సారీ చెప్పి కేంద్రం చేతులు దులుపుకోవద్దు.. రూ.25 లక్షలు ప్రతి కుటుంబానికి ఇవ్వాలి.
• కనీస మద్దతు ధర చట్టాన్ని తీసుకురావాలని కేంద్రాన్ని డిమాండ్ చేస్తున్నాం.
• రాబోయే పార్లమెంట్‌ సమావేశాల్లో దీని కోసం పోరాడతాం.
• వచ్చే పార్లమెంట్‌ సమావేశాల్లో కనీస మద్దతు ధర చట్టం తీసుకురావాలి.
• కేంద్రం సానుకూలంగా స్పందిస్తుందని ఆశిస్తున్నాం.
• కరోనాపై జరిగిన వీడియో కాన్ఫరెన్స్‌లోనూ ప్రధానితో కుండ బద్దలు కొట్టినట్టు చెప్పా.