Mothers day special: అమ్మకు స్పెషల్.. ఆదివారం ఫ్రీ బస్ జర్నీ

Mothers day special: మే8 మాతృదినోత్సవం.. ఈ సందర్భాన్ని పురస్కరించుకుని తెలంగాణ ఆర్టీసి ఓ వినూత్న పథకానికి శ్రీకారం చుట్టింది. తెలంగాణ రాష్ట్ర రోడ్డు రవాణా సంస్థ (టీఎస్‌ఆర్‌టీసీ) మదర్స్ డే సందర్భంగా తల్లులందరికీ ప్రత్యేక ఆఫర్‌ను అందజేస్తోంది. ఆఫర్‌లో భాగంగా, TSRTC ఐదేళ్లలోపు పిల్లలతో ప్రయాణించే తల్లులకు AC సేవలతో సహా అన్ని బస్సు సర్వీసుల్లో ఉచిత ప్రయాణ అనుభవాన్ని అందిస్తుంది. ఈ ఆఫర్‌ను మే 8 ఆదివారం నాడు మాత్రమే వినియోగించుకోవచ్చని తెలిపారు.

TSRTC చైర్మన్ బాజిరెడ్డి గోవర్ధన్ మరియు వైస్ చైర్మన్ మరియు MD, VC సజ్జనార్ ఈ సందర్భంగా తల్లులందరికీ శుభాకాంక్షలు తెలియజేస్తూ, మనల్ని ఈ ప్రపంచంలోకి తీసుకువచ్చిన అద్భుతమైన మహిళలందరికీ మన ప్రేమ, గౌరవాన్ని అందించడానికి మదర్స్ డే గొప్ప సమయం అని అన్నారు. ఇది అమ్మకు మేమిచ్చే ఓ చిరుకానుక అని తెలిపారు.