వచ్చే సంవత్సరం సెలవుల లిస్టు వచ్చేసిందోచ్..

వచ్చే సంవత్సరం (2021)లో వచ్చే సెలవుల లిస్టును తెలంగాణ రాష్ట్ర ప్రభుత్వం ప్రకటించింది. 2021 లో 28 సాధారణ సెలవు దినాలు, 25 ఐచ్చిక సెలవు దినాలు ఉండనున్నాయని ఈ మేరకు సాధారణ, ఐచ్చిక సెలవు దినాలను ప్రకటిస్తూ ప్రభుత్వ ప్రధాన కార్యదర్శి సోమేశ్ కుమార్ సోమవారం ఉత్తర్వులు జారీ చేశారు. 2021లో రాష్ట్రంలోని అన్ని ప్రభుత్వ కార్యాలయాలు ఆదివారాలతో పాటు రెండో శనివారాలు మూసి ఉంటాయని తెలిపారు.

రాష్ట్ర ప్రభుత్వ ఉద్యోగులు అధికారులకు ముందస్తుగా దరఖాస్తు చేసుకోవడం ద్వారా 25 ఐచ్చిక సెలవుల్లో అయిదుకు మించకుండా వాడుకోవచ్చు. రాష్ట్రంలోని పరిశ్రమలు, ప్రభుత్వ రంగ సంస్థలు, విద్యా సంస్థలు, పబ్లిక్ వర్క్స్ శాఖల ఉద్యోగులకు ఈ సాధారణ సెలవులు వర్తించవు. ఆయా పండుగలు/సందర్భాల్లో ఈ సంస్థలకు వర్తించనున్న సెలవులను ప్రకటిస్తూ సంబంధిత శాఖలు ప్రత్యేక ఉత్తర్వులు జారీ చేయనున్నాయి. ఇక నెలవంక ఆధారంగా వచ్చే రంజాన్, బక్రీద్, మొహర్రం, మిలాద్ ఉన్ నబీ వంటి పర్వదినాల్లో ఏవైనా మార్పులు ఉంటే ప్రభుత్వం ఆ మేరకు సెలవు దినాలను మార్చుతుంది.

గమనిక: జనవరి 1న పబ్లిక్ హాలిడేగా ప్రకటించినందున ఫిబ్రవరి 13 రెండో శనివారం పనిదినంగా పేర్కొంది.