Telangana: మంత్రి కేటీఆర్‌కు ఎమ్మెల్యే రఘునందన్ రావు సవాల్

మంత్రి కేటీఆర్‌కు ఎమ్మెల్యే రఘునందన్ రావు సవాల్ విసిరారు. కేటీఆర్‌కు దమ్ముంటే దుబ్బాకలో దళిత బంధుతో పాటు సొంత స్థలంలో ఇంటి నిర్మాణానికి 7.5లక్షల రూపాయలు ఇవ్వాలని డిమాండ్ చేశారు. ఈ రెండు పథకాలు అమలు చేస్తే వచ్చే ఎన్నికల్లో పోటీ నుంచి తప్పుకుంటానన్నారు. దుబ్బాక పరిధిలోని చెల్లాపూర్‌లో ప్రజా గోస- బీజేపీ భరోసా కార్యక్రమంలో పాల్గొన్న రఘునందన్ రావు.. బీఆర్ఎస్ ప్రభుత్వం ఎన్నికల హామీలను విస్మరించిందని మండిపడ్డారు.