TS: అటవీశాఖ అధికారులపై గ్రామస్తుల దాడి..!

ఆదిలాబాద్‌ జిల్లా ఇచ్చోడ మండలం కేశవపట్నం గ్రామంలో ఉద్రిక్తత నెలకొంది. తెల్లవారుజామున కేశవపట్నం గ్రామంలో అటవీ శాఖ అధికారులు కార్డెన్ సెర్చ్ నిర్వహిం చారు. కార్డెన్ సెర్చ్‌లో పలు ఇళ్లలో దొరికిన కలప దుంగలు, ఫర్నిచర్‌ను అధికారులు స్వాధీనం చేసుకున్నారు. ఈ క్రమంలో అటవీ అధికారులపైగ్రామస్తులు దాడికి పాల్పడ్డారు. ఈ దాడిలో జాదవ్ నౌశిలాల్ అనే బీట్ ఆఫీసర్‌కు స్వల్ప గాయాలయ్యాయి. అలాగే అటవీ శాఖకు సంబంధిం చిన ఓ వాహనం పై దాడి చేసి అద్దాలు పగలకొట్టారు. సమాచారం అందుకున్న పోలీసులు సంఘటన స్థలానికి చేరుకొని భారీగా బలగాలను మోహరించారు. దాడి విషయాన్ని అటవీ శాఖ అధికారులు గోప్యంగా ఉంచుతున్నట్లు తెలుస్తోంది.