TS : వైద్య, ఆరోగ్య రంగాలపై అధిక ప్రాధాన్యత : మంత్రి కేటీఆర్

వైద్య, ఆరోగ్య రంగానికి తెలంగాణ ప్రభుత్వం అధిక ప్రాధాన్యత ఇస్తుందని మంత్రి కేటీఆర్‌ అన్నారు. ప్రతి జిల్లాకు ఒక ప్రభుత్వ మెడికల్‌ కాలేజీ ఏర్పాటు చేశామని తెలిపారు. హైదరాబాద్‌ నార్సింగిలో 225 పడకలతో కొత్తగా ఏర్పాటు చేసిన శంకర ఐ హాస్పిటల్‌ను ప్రారంభించిన కేటీఆర్... పల్లె, బస్తీ దవాఖానలతో పేదల వద్దకే అత్యాధునిక వైద్య సేవలు తీసుకెళ్తున్నామని వెల్లడించారు. ఈ సందర్భంగా శంకర నేత్రాలయ వైద్య సేవలను ప్రశంసించారు. గ్రామీణ ప్రాంతాల నుంచి కంటి సమస్యలు ఉన్నవారిని దవాఖానకు తీసుకొచ్చి సేవలు అందించాలనుకోవడం గొప్ప విషయమన్నారు. ఇక శంకర నేత్రాలయ వాహనాలకు లైఫ్‌, రిజిస్ట్రేషన్‌ చార్జీల నుంచి మినహాయింపునిస్తున్నామని చెప్పారు.