Hyderabad: కరెంట్ షాక్‌తో ముగ్గురు ముస్లీం యువకులు మృతి

హైదరాబాద్ షేక్‌పేట పారామౌంట్ కాలనీలో విషాదం చోటుచేసుకుంది. కరెంట్ షాక్‌తో అన్నతమ్ముడితో పాటు స్నేహితుడు మృతి చెందారు. నీటి సంప్ వద్ద మోటార్ ఆఫ్ చేయడానికి ఓ యువకుడు వెళ్లాడు. అతనికి కరెంట్ షాక్ తగిలింది. దాంతో అతడిని కాపాడేందుకు మరో ఇద్దరు వెళ్లగా.. వారు కూడా విద్యుత్ ఘాతానికి బలయ్యారు. వాటర్ సంప్‌లో నుండి నీటిని తోడుతుండగా ఈ ఘటన జరిగింది. మృతులు ఆనస్(19), రిజ్వాన్(18), రజాక్‌(16)గా పోలీసులు గుర్తించారు. ఒకేసారి ముగ్గురు మృతి చెందడంతో వారి కుటుంబాలు విషాదంలో మునిగిపోయాయి. మృతుల తల్లిదండ్రులు, కుటుంబసభ్యులు కన్నీరుమున్నీరవుతున్నారు. అటు కేసు నమోదు చేసుకున్న పోలీసులు దర్యాప్తు చేపట్టారు.