"రాజ్ కహాని" ట్రైలర్‌ విడుదల చేసిన మంత్రి తలసాని

భార్గవి క్రియేషన్స్ పతాకంపై భాస్కర రాజు, ధార్మికన్ రాజు నిర్మాతలు గా రాజ్ కార్తికేన్ హీరోగా తన స్వీయ దర్శకత్వంలో తెరకెక్కుతున్న చిత్రం "రాజ్ కహాని". ఈ సినిమాకు సంగీతం స్వర్గీయ సంగీత దర్శకుడు చక్రి తమ్ముడు మహిత్ నారాయణ్ అందిచగా యస్.యస్.వి. ప్రసాద్ సినిమాటోగ్రఫీ అందిచారు. కాగా రాజ్ కహానిలో చంద్రికా అవస్తి, సోనియా సాహా, ప్రియా పాల్, సాయి, జబర్దస్త్ ఫణి ముఖ్యపాత్రల్లో నటించారు. అయితే ఈ మూవీ మార్చి 24న భారీ ఎత్తున విడుదల కాబోతోంది. అయితే సినిమా యూనిట్‌ ప్రమోషన్లు బాగానే చేస్తుంది. ఈ క్రమంలో సినిమా ట్రైలర్‌ను కూడా విడుదల చేశారు. ఈ ట్రైలర్‌ను మంత్రి తలసాని శ్రీనివాస్‌ యాదవ్‌ చేతుల మీదుగా లాంచ్‌ చేశారు. ఈ ట్రైలర్ లాంచ్ ఈవెంట్‌కు దర్శకుడు వైవీఎస్ చౌదరి, నిర్మాత సురేష్ కొండేటి ముఖ్య అతిథులుగా వచ్చి చిత్రయూనిట్‌కు ఆల్ ది బెస్ట్ చెప్పారు.