"30 రోజుల్లో ప్రేమించడం ఎలా".. ఫస్ట్ డే కలెక్షన్స్ ఎంతంటే?

బుల్లితెర పై తనదైన యాంకరింగ్ తో ఆకట్టుకున్న ప్రదీప్ మాచిరాజు మొదటిసారి హీరోగా నటించిన తొలిచిత్రం '30 రోజుల్లో ప్రేమించడం ఎలా'.. ఈ సినిమాలో ప్రదీప్ సరసన అమృతా నాయర్ హీరోయిన్ గా నటించింది. మున్నా దర్శకత్వం వహించాడు. మంచి అంచనాల నడుమ ఈ శుక్రవారం విడుదలైన ఈ సినిమాకి ప్రేక్షకుల నుంచి మంచి స్పందన లభించడంతో కలెక్షన్ల పరంగా దూసుకెళ్తోంది. తొలిరోజే ఈ సినిమాకి ఏకంగా రూ.4 కోట్ల గ్రాస్‌ వచ్చింది. దీనితో ప్రదీప్ తన సోషల్ మీడియాలో ఎమోషనల్ పోస్ట్ పెట్టాడు. "ఎన్నో రోజుల కల ఇది. మీ అందరి సహకారంతోనే ఈ రోజు సాధ్యం అయింది. అండగా నిలిచిన ప్రతి ఒక్కరికి పేరు పేరునా నా ధన్యవాదాలు.. ఎప్పటికి ఇలాగే మిమ్మల్ని ఎంటర్‌టైన్‌ చేస్తూనే ఉంటాను" అని ప్రదీప్ పేర్కొన్నాడు.