Adivi Sesh: 'విక్రమ్ చూడాలా? మేజర్ చూడాలా?'.. నెటిజన్ ప్రశ్న.. అడవి శేష్ రిప్లై..
Adivi Sesh: టాలీవుడ్‌లోని మినిమమ్ గ్యారెంటీ హీరోల్లో తనకంటూ ఓ ప్రత్యే్ స్థానాన్ని సంపాదించుకున్నాడు అడవి శేష్. అడవి శేష్ నటించాడంటే సినిమా సూపర్ హిట్ అని ఇప్పటికీ ఎంతోమంది ప్రేక్షకులు ఫిక్స్ అయిపోయారు. అదే విషయాన్ని మరోసారి 'మేజర్'తో నిరూపించాడు ఈ హీరో. ఇక తాజాగా మేజర్ లేదా విక్రమ్ అన్న అంశంపై ఓ నెటిజన్ ప్రశ్నించగా.. అడవి శేష్ దానికి చాలా స్వీట్‌గా రిప్లై ఇచ్చాడు.
మేజర్ సందీప్ ఉన్నికృష్ణన్ జీవితకథ ఆధారంగా తెరకెక్కిన మేజర్ చిత్రం.. కమల్ హాసన్ నటించిన 'విక్రమ్'కు పోటీగా థియేటర్లలో విడుదలయ్యింది. ఈ రెండు సినిమాలు ఇప్పటికీ సక్సెస్‌ఫుల్‌గా రన్ అవుతూనే ఉన్నాయి. రెండు పెద్ద చిత్రాలు ఒకటేరోజు విడుదలయ్యి బ్లాక్ బస్టర్ సాధించి చాలాకాలం అవ్వడంతో చాలామంది ప్రేక్షకులు థియేటర్లలో ముందు ఏ సినిమా చూడాలా అన్న కన్ఫ్యూజన్‌లో పడ్డారు. ఇదే విషయంపై ఓ నెటిజన్ ట్వీట్ చేశాడు.
'నేను కమల్ హాసన్ సార్‌కు పెద్ద ఫ్యాన్. కానీ విక్రమ్, మేజర్ సినిమాల్లో ముందుగా ఏ సినిమా చూస్తావని అడిగితే.. ముందు మేజర్ పేరు చెప్పి తర్వాత విక్రమ్ అంటాను.' అన్నాడు ఓ నెటిజన్. దీనికి సమాధానంగా అడవి శేష్ 'నేను మిమ్మల్ని రెండు సినిమాలు చూడాలని రిక్వెస్ట్ చేస్తాను. మీతో పాటు నేను కూడా కమల్ సార్ ఫ్యాన్‌నే.' అని ట్వీట్ చేశాడు. ఇక అడవి శేష్ స్వీట్ రిప్లైకు నెటిజన్లు ఫిదా అవుతున్నారు.
I request you to watch both ❤️ As I am also a fan of Kamal sir along with you . :) https://t.co/4Ys3VNTthz
— Adivi Sesh (@AdiviSesh) June 18, 2022
