జై బాలయ్య... రికార్డులతో దూసుకుపోతున్న 'అఖండ' టీజర్..!

జై బాలయ్య... రికార్డులతో దూసుకుపోతున్న అఖండ టీజర్..!
ఇప్పటివరకు ఎప్పుడు చూడని సరికొత్త లుక్‌లో బాల‌య్య క‌నిపించడం, తమన్‌ బ్యాక్‌గ్రౌండ్‌ స్కోర్ ఆదరిపోవడంతో టీజర్ సోష‌ల్ మీడియాలో దుమ్ముదులుపుతుంది.

మాములుగానే నందమూరి నటసింహం బాలకృష్ణ నుంచి సినిమా వస్తుందంటేనే అంచనాలు ఓ స్థాయిలో ఉంటాయి. ఇక అందులోనూ బోయపాటి శ్రీను నుంచి సినిమా అంటే ఆ అంచనాలు రెట్టింపు అవుతాయి. ఎందుకంటే ఇప్పటికే వీరి కాంబినేషన్ నుంచి వచ్చిన సింహ, లెజెండ్ చిత్రాలు భారీ విజయాన్ని అందుకున్నాయి. ఇప్పుడు ముచ్చటగా మూడోసారి వీరి నుంచి అఖండ అనే సినిమా తెరకెక్కుతుంది. తాజాగా ఈ సినిమాకి సంబంధించిన టీజర్ విడుదలైంది.

ఇప్పటివరకు ఎప్పుడు చూడని సరికొత్త లుక్‌లో బాల‌య్య క‌నిపించడం, తమన్‌ బ్యాక్‌గ్రౌండ్‌ స్కోర్ ఆదరిపోవడంతో టీజర్ సోష‌ల్ మీడియాలో దుమ్ముదులుపుతుంది. ఈ టీజర్ 33మిలియన్లకి పైగా వ్యూస్ సాధించి బాలకృష్ణ కెరీర్‌లో ఇప్పటి వరకు ఉన్న రికార్డులన్నీంటిని బద్దలుకొట్టింది. 386k పైగా లైక్స్‌తో 'అఖండ' దూసుకెళ్తున్నాడు. ప్రగ్యా జైస్వాల్ హీరోయిన్ గా నటిస్తున్న ఈ సినిమాలో పూర్ణ కీలక పాత్రలో నటిస్తుంది.

శ్రీకాంత్ విలన్ గా నటిస్తున్నాడు. ద్వారకా క్రియేషన్స్‌ బ్యానర్‌పై మిర్యాల రవీందర్‌ రెడ్డి నిర్మిస్తున్న ఈ చిత్రం మే 28న ప్రేక్షకుల ముందుకు రానుంది.

Tags

Read MoreRead Less
Next Story