Cinema: జల జల జలపాతం... నువ్వు..!

అతిలోకసుందరి శ్రీదేవి గారాల పట్టి జాన్వీ కపూర్ రాక కోసం టాలీవుడ్ దశాబ్ది కాలంగా ఎదురుచూస్తోంది. అమ్మాయి కౌమరంలోకి అడుగుపెట్టిన నాటి నుంచే ఆమెను ఇక్కడ లాంచ్ చేసేందుకు దర్శక-నిర్మాతలు ఉవ్విళ్లూరుతున్నారు. కానీ, ఇప్పటి వరకూ దానికి ముహూర్తం కుదరలేదనే చెప్పాలి. అయితే అమ్మడిని లాంచ్ చేసే అదృష్టం కొరటాల శివ దక్కించుకున్నారు. తారక్ 30లో జాన్వీ కపూర్ హీరోయన్ గా ఖరారు అయిన సంగతి తెలిసిందే. త్వరలోనే షూటింగ్ జరుపుకోనున్న ఈ చిత్రంలో జాన్వీ పుట్టిన రోజు సంద్బంగా ఆమె ఫస్ట్ లుక్ విడుదల చేసింది చిత్ర బృందం. జలపాతం నడుమ తలెత్తిన ఉప్పెనలా జాన్వీ అందం కట్టిపాడేస్తోందనే చెప్పాలి. మరి ఫస్ట్ లుక్ తోనే ఈ రేంజ్ లో సెగలు పుట్టిన జూనియర్ అతిలోక సుందరి టాలీవుడ్ జనాలను ఏ విధంగా మెస్మరైజ్ చేస్తుందో చూడాలి.