Sita Ramam OTT: 'సీతారామం' ఓటీటీ అప్డేట్.. ఎప్పుడు, ఎక్కడంటే..?
Sita Ramam OTT: దుల్కర్ సల్మాన్, మృణాల ఠాకూర్ ‘సీతారామం’లో సీతారాములుగా నటించారు.
Sita Ramam OTT: గత నెలలో విడుదలయిన తెలుగు సినిమాలు అంతగా ఆడకపోవడంతో ప్రేక్షకులు కాస్త నిరాశకు గురయ్యారు. కానీ ఆగస్ట్ మొదట్లోనే విడుదలయిన 'సీతారామం' మంచి హిట్ టాక్‌తో ముందుకెళ్తోంది. తెలుగులో విభిన్న ప్రేమకథలకు కేరాఫ్ అడ్రస్‌గా మారిన హను రాఘవపూడి ఈ మూవీని డైరెక్ట్ చేశారు. ఇక ఈ మూవీ ఓటీటీ వివరాల గురించి నెట్టంట్లో చర్చ సాగుతోంది.
దుల్కర్ సల్మాన్, మృణాల ఠాకూర్ 'సీతారామం'లో సీతారాములుగా నటించారు. రష్మిక మందనా.. ఆఫ్రీన్ అనే కీ రోల్‌లో కనిపించింది. వీరి ప్రేమకథ ప్రేక్షకులను విపరీతంగా ఆకట్టుకుంది. 1960ల్లో జరిగిన ఓ క్లాసికల్ లవ్ స్టోరీగా అప్పుడే సినిమాకు సూపర్ హిట్ టాక్ వచ్చేస్తోంది. కలెక్షన్స్ విషయంలో కూడా సీతారామం దూసుకుపోతోంది. ఇందులోని ప్రతీ అంశం ప్రేక్షకులను ఆకట్టుకుంటుందని మేకర్స్ బలంగా నమ్మారు. వారు నమ్మినట్టుగానే మూవీకి పాజిటివ్ రివ్యూలు వచ్చాయి.
మామూలుగా ఏ సినిమా అయినా థియేటర్లలో విడుదలయిన ఆరు వారాలు తర్వాత, అంటే రెండు నెలలలోపు ఓటీటీలో విడుదల కాకూడదని నిర్మాతలు నిర్ణయించారు. కానీ మూవీకి వెంటనే ఫ్లాప్ టాక్ వచ్చేస్తే మాత్రం ఓటీటీ విడుదలకు సిద్ధమవుతున్నారు. సీతారామంకు అలా కాదు కాబట్టి.. ఈ మూవీ ఓటీటీలో అందుబాటులోకి రావడానికి కనీసం ఆరు వారాలు పడుతుందని సమాచారం. ఇక సీతారామం ఓటీటీ హక్కులను ప్రముఖ సంస్థ అమెజాన్ ప్రైమ్ కొనుగోలు చేసిందని టాక్.
- By Divya Reddy
- 6 Aug 2022 12:45 PM GMT
