Uppena Movie : వెండితెర పైనే కాదు .. బుల్లితెర పైన కూడా సూపర్ డూపర్ హిట్టే..!
ధియేటర్లు పునప్రారంభం తర్వాత తెలుగు సినిమాల్లో బిగ్గెస్ట్‌ బ్లాక్‌బస్టర్‌ హిట్‌గా నిలిచిన సినిమాలలో ఉప్పెన మూవీ ఒకటి. వైష్ణవ్ తేజ్, కృతి శెట్టి హీరోహీరోయిన్లుగా తెరకెక్కిన ఈ సినిమాకి బుచ్చిబాబు సానా దర్శకత్వం వహించారు. మైత్రి మూవీ మేకర్స్ నిర్మించిన ఈ సినిమాకి దేవిశ్రీ ప్రసాద్ సంగీతం అందించారు. బాక్సాఫీస్‌ వద్ద వసూళ్ల పరంగా కాసుల వర్షం కురిపించిన ఈ చిత్రం వంద కోట్ల రూపాయలకు పైగా గ్రాస్ వసూలు చేసింది.
కేవలం వెండితెర పైన బుల్లితెర పైన కూడా ఉప్పెన మూవీ తన హవాను కొనసాగిస్తుంది. తాజాగా ఈ చిత్రం వరల్డ్ టెలివిజన్ ప్రీమియర్‌గా స్టార్ మా ఛానెల్‌లో ప్రసారమయ్యింది. ఈ సినిమాకి ఏకంగా 18.5 టీఆర్పీ రేటింగ్ దక్కింది. ఓ డెబ్యూ మూవీ హీరో సినిమాకి ఇంతలా రేటింగ్ రావడం ఇదే మొదటిసారి అని చెప్పాలి. ఈమధ్య కాలంలో అల్లు అర్జున్ 'అల వైకుంఠపురములో', మహేష్ బాబు 'సరిలేరు నీకెవ్వరు' సినిమాల తర్వాత ఎక్కువ రేటింగ్ పొందిన చిత్రంగా ఉప్పెన నిలిచింది.
