Delhi: హోమ్ వర్క్ చేయలేదని చిన్నారిపై తల్లి దాష్టీకం.. మండుటెండలో మిద్దెపై..
Delhi: హోమ్ వర్క్ చేయకపోయినా.. చెప్పినట్టు వినకపోయినా.. పిల్లలను శిక్షించే హక్కు తల్లిదండ్రులకు ఉంటుంది. కానీ ఆ శిక్షకు కూడా ఓ లిమిట్ ఉంటుంది. పిల్లలను హాని కలిగించేలా శిక్షలు విధించే హక్కు తల్లిదండ్రులకు ఉంటుందా..? పిల్లలు చేసే చిన్న చిన్న తప్పులకు ఎలాంటి శిక్షలయినా వేయవచ్చా..? ఢిల్లీలో జరిగిన ఓ ఘటన ప్రజలలో ఇలాంటి ప్రశ్నలను లేవనెత్తేలా చేస్తోంది.
ఢిల్లీలోని ఖజూరీ ఖాస్‌ ప్రాంతంలో అయిదేళ్ల చిన్నారి హోమ్ వర్క్ చేయలేదని.. కాళ్లు, చేతులు కట్టేసి మధ్యాహ్నం మండుటెండలో మిద్దెపై పడేసింది ఓ తల్లి. ఢిల్లీలో మధ్యహ్నం ఎండలో సమయంలో మామూలుగా బయటికి వెళ్లడమే కష్టం అయిపోయిన ఈ సమయంలో.. మండుటెండలో చిన్నారి పెడుతున్న కేకలు ఎంతోమందిని కదిలించాయి.
ఈ హృదయ విదారక ఘటన జూన్ 2న చోటుచేసుకుంది. పొరుగింటి నుండి ఓ మహిళ మిద్దెపై ఉన్న చిన్నారి వీడియో తీసి సోషల్ మీడియాలో పోస్ట్ చేసేసరికి ఈ విషయం వెలుగులోకి వచ్చింది. కొన్ని గంటల్లోనే ఈ వీడియో వైరల్ అవ్వడంతో చిన్నారి తల్లిపై కేసు నమోదు చేసినట్టు పోలీసులు తెలిపారు. ఇప్పటికీ నెట్టింట్లో ఈ వీడియో వైరల్ అవుతోంది.
After a video of a girl child tied up on the roof of a house surfaced on social media, all possible efforts were made by Delhi Police to ascertain her identity and circumstances. The family of the child has been identified and appropriate action initiated.#DelhiPoliceCares
— Delhi Police (@DelhiPolice) June 8, 2022
