Tapsi Upadhayay: బీటెక్ చదివి బుల్లెట్ బండి మీద పానీ పూరీ అమ్ముతూ..
Tapsi Upadhayay: ఎంత చదివినా, ఏం చదువుకున్నా ఆ నాలుగు రాళ్లు సంపాదించుకోవడానికే కదా.. అదేదో ఇష్టమైనది చేస్తే కాస్త ఆత్మ సంతృప్తి అయినా మిగులుతుంది. వచ్చే డబ్బులు తక్కువే కావచ్చు అయినా అందులో ఉన్న ఆనందం వేరు. ఎంబీఏలు, ఎంసీఏలు చదివే చాయ్ బండ్లు, పానీ పూరీ స్టాల్స్ పెట్టి హ్యాపీగా జీవితాన్ని గడిపేస్తున్నారు. తాప్సీ ఉపాధ్యాయ్, 21, బీటెక్ గ్రాడ్యుయేట్, ఆమె ఢిల్లీలోని తిలక్ నగర్ మెట్రో స్టేషన్ సమీపంలో తన పానీ పూరీ స్టాల్‌ను ప్రారంభించింది. ఒక ఫుడ్ బ్లాగర్ తన ఇన్‌స్టాగ్రామ్ పేజీలో ఆ మహిళ యొక్క వీడియోను పోస్ట్ చేసారు. దీనికి ఐదు మిలియన్ల వీక్షణలు వచ్చాయి.
వీడియోలో, ఉపాధ్యాయ్ తన స్టాల్‌తో రాయల్ ఎన్‌ఫీల్డ్ బుల్లెట్ మోటార్‌సైకిల్‌ను నడుపుతున్నట్లు కనిపిస్తుంది. తనను తాను 'బిటెక్ పానీ పూరీ వాలీ' అని పిలుస్తూ, బిటెక్ చేసి ఇదేం పని, ఎందుకు పానీపూరీలు అమ్ముతున్నావని చాలామంది అడిగారు. ఇది అమ్మాయిలకు తగిన ఉద్యోగం కాదని అన్నారు. కానీ వాటిలో దేనినీ పట్టించుకోవడం లేదని ఆమె చెప్పింది. ఆమె తన స్టాల్‌లో నూనెలో వేయించిన పూరీలను వాడదు. పూరీల తయారీకి మైదా వాడనని తెలిపింది. ఇక పూరీల్లో ఉపయోగించే చట్నీ సేంద్రీయ బెల్లం మరియు చింతపండుతో తయారు చేయబడింది అని పేర్కొంది. ఆర్థికంగా స్వతంత్రంగా ఉండటానికి మీకు ఇష్టమైన పని చేయండి. ఇతరులు ఏమనుకుంటున్నారో అని ఆలోచించడం మానేయండి. ఆమె తన కస్టమర్‌లకు...రుచికరమైన, పరిశుభ్రమైన ఆహారాన్ని ఎలా అందించాలని కోరుకుంటుందనే విషయంలో ఆమె జాగ్రత్తగా ఉంటుంది" అని ఒక వినియోగదారు వ్యాఖ్యానించారు.
అందరూ 9-5 పని చేయలేరు. ఆమె స్వంతంగా ఏదైనా ప్రారంభించాలనుకుంది. మధ్యలో మీకెందుకు బాధ. ఆమెకు ఆల్ ది బెస్ట్ చెబుదాం అని మరొకరు అన్నారు. ఎవరినీ కించపరచడం లేదు, కానీ మంచి విద్యను అభ్యసించిన తర్వాత వీధి ఆహారం లేదా టీ స్టాల్స్‌ను ఎందుకు ప్రారంభిస్తారో అర్థం కావడం లేదన్నారు మరొకరు. బి.టెక్ పూర్తి చేసిన తర్వాత స్ట్రీట్ ఫుడ్ అమ్మడం కంటే కొత్త టెక్నాలజీ, ఇన్నోవేషన్ గురించి ఆలోచించాలి. విద్య వ్యర్థమని సంకేతమిస్తోందా ఈ అమ్మాయి అని మరొక నెటిజన్ వ్యాఖ్యానించారు. ఎంట్రప్రెన్యూర్‌షిప్ కొత్త ఆలోచనలను ఉపయోగించి వ్యాపారాన్ని ప్రారంభిస్తోంది అని తాప్సీకి మద్దతు పలికేవారూ లేకపోలేదు.
