వినూత్న రీతిలో హోలీ వేడుకలు.. పురుషులు చీరలు కట్టుకుని..

హోలీ పండుగ వస్తే రంగులు చల్లుకోవడం సర్వసాధారణం. కానీ.. ఆ ఊరులో మాత్రం మోలీ పండుగను అందుకు భిన్నంగా జరుపుకుంటారు. పురుషులు చీరలు కట్టుకుని బసవేశ్వరాలయంలో రతి మన్మధ పూజలు నిర్వహిస్తారు. కర్ణాటక సరిహద్దులో ఉండే సొంత కల్లూరులో ఈ వింత వేడుకలు జరుగుతాయి. కర్నూలు జిల్లా ఆదోని మండలంలోని సొంత కల్లూరులో జరిగిన హోలీపండుగకు ఎపి,కర్ణాటకలోని వివిధ ప్రాంతాల నుంచి భక్తులు భారీ ఎత్తున తరలి వచ్చారు.. గ్రామానికి చెందిన పలువురు పురుషులు చీరలు కట్టుకుని మొక్కులు తీర్చుకున్నారు. ఈ వేడుకలు మూడు రోజుల పాటు జరుగుతాయి. రతీమన్మధుల రథోత్సవం,కామదహనం,శివయాత్రలు భక్తులను అమితంగా ఆకట్టుకున్నాయి.