బండి మీద నూడుల్స్ బిజినెస్.. వైరల్ వీడియోకు 41 మిలియన్లకు పైగా వీక్షణలు
బండిపై కూరగాయల మాదిరిగా నూడుల్స్ అమ్ముతున్న వ్యక్తిని చూసి సోషల్ మీడియాలో మ్యాగీ అభిమానులు షాక్ అవుతున్నారు. చిన్నారులకు అత్యంత ఇష్టమైన ఇన్‌స్టంట్ నూడుల్స్ తో అనేక ప్రయోగాలు చేసి అవన్నీ వైరల్ అయినప్పటికీ, గతంలో చూసిన వాటికి భిన్నంగా ఇన్‌స్టాగ్రామ్‌లో కొత్త వీడియో ఇంటర్నెట్ లో వైరల్ అవుతోంది. వీడియో వినియోగదారులను ఆశ్చర్యానికి గురి చేసింది.
వీధి బండిపై ఒక వీధి వ్యాపారి పొడి మ్యాగీ నూడుల్స్‌ను విక్రయిస్తున్నట్లు వీడియో చూపుతోంది. ప్రజలు కూరగాయలు, పండ్లు, వేరుశెనగలు వంటి వాటిని వీధి బండ్లపై విక్రయించడాన్ని చూశారు. అయితే వదులుగా ఉన్న మ్యాగీని విక్రయించడం ఇదే మొదటిసారి. ఈ వైరల్ వీడియో 41 మిలియన్లకు పైగా వీక్షణలను సంపాదించింది.
వీధి వ్యాపారి నూడుల్స్‌ను తూచే గిన్నెలోకి తీసుకుని, అందులో కొన్ని మసాలా ప్యాకెట్లు కూడా వేసి, కస్టమర్ కి అందిస్తున్నాడు. ఈ వైరల్ వీడియోపై నెటిజన్స్ స్పందించారు.
ఈ విధంగా విక్రయించే మ్యాగీ గడువు ముగిసిపోయి ఉంటుందని చాలా మంది వినియోగదారులు వ్యాపారిపై విరుచుకుపడుతున్నారు. "ఇది గడువు ముగిసిన మ్యాగీ దయచేసి దీనిని ఉపయోగించవద్దు" అని ఒకరు రాస్తే, మరొకరు "ఫ్యాక్టరీ వేస్ట్ ??? లేదా గడువు తీరిపోయిందా ???" అని ప్రశ్నిస్తున్నారు. మరొక వినియోగదారుడు "దుమ్ము రుచి ఉచితం." మరొకరు వీధి బండి నుండి మ్యాగీని కొనుగోలు చేయాలనే ఆలోచన సరికాదు" అని రాశారు.