Viral Video: మాస్క్ లేదని.. ట్రైన్‎లో నుంచి తోసేసిన ప్యాసింజర్లు..ఆ తర్వాత

Passengers throw a Guy with out mask: ప్రాణాంతక వైరస్‎ని ఎదుర్కొవాలంటే మాస్క్ తప్పనిసరి అని ప్రపంచ దేశాలన్ని పదేపదే హెచ్చరిస్తున్నాయి. మాస్క్ ఉంటే కరోనా సోకకుండా అడ్డుకొవచ్చు. అయితే కొందరూ మాత్రం మాస్క్ ధరించకుండా నిర్లక్ష్యంగా వ్యవహరిస్తున్నారు. మాస్క్ లేకుండా ట్రైన్ ఎక్కిన ఓ యువకుడ్ని బలవంతంగా ట్రైన్ నుంచి బయటకు నెట్టేశారు తొటి ప్రయాణీకులు. ఈ ఘటన స్పెయిన్‌లో జరిగింది. ట్విట్టర్‌లో ఓ వీడియో ట్వీట్ ఇప్పుడు వైరల్ అవుతోంది.

ఈ వీడియోలో ఓ యువకుడు మాస్క్ ధరించకుండ ట్రైన్ ఎక్కాడు. రైలులో ఉన్న ఓ యువతి... మాస్క్ పెట్టుకోమని సూచించింది. కానీ అతను వినిపించుకోలేదు. దాంతో ఆ యువతి వాదనకు దిగింది. మాస్క్ పెట్టుకుంటావా లేదా అంటూ గట్టిగా అరిచింది. దాంతో ఆ యువకుడు వాదనకు దిగాడు. దీంతో ఆమె రైలు దిగిపోవాలని హెచ్చరించింది. ఆ యువతికి మిగతా ప్యాసింజర్లు కూడా మద్దతుగా నిలిచారు. ఆ యువకుడు రైలు దిగేది లేదని పట్టుపట్టడంతో... అందరూ కలిసి అతన్ని రైల్లోంచీ బయటకు నెట్టేశారు. అప్పటికీ రైలు ఇంకా కదల్లేదు.

ఇప్పుడీ వీడియో సోషల్ మీడియాలో వైరల్ అయింది. ఈ వీడియో చూసిన నెటిజన్స్ ఆమెకు మద్దతుగా ట్వీట్స్ చేస్తున్నారు. గత నెల నుంచి స్పెయిన్‌లో కరోనా కేసులు పెరుగుతున్నాయి. అధికారు కఠిన ఆంక్షలు అమలు చేస్తున్నారు. మాస్క్ లేకుండా ఇళ్లలోంచి బయటకు రావొద్దని హెచ్చరింస్తున్నారు.