Viral News: విద్యార్థినితో ఉపాధ్యాయిని ప్రేమాయణం.. పురుషుడిగా మారి పెళ్లి
Viral News: ప్రేమ కోసం పురుషుడిగా మారి ప్రేమించిన విద్యార్థినిని పెళ్లి చేసుకుంది రాజస్థాన్‌కు చెందిన ఓ ఉపాధ్యాయురాలు.
Viral News: నాగ్లాలోని ప్రభుత్వ పాఠశాలలో మీరా పీఈటీ టీచర్‌గా పని చేస్తోంది. అదే పాఠశాలలో చదువుతున్న విద్యార్థిని కల్పనతో ఆమె చనువుగా ఉండేది. స్కూల్లో ఫిజికల్ ఎడ్యుకేషన్ క్లాసుల సమయంలో మీరా, కల్పన స్నేహితులుగా మారారు. ఆ తర్వాత ప్రేమలో పడ్డారు.
అయితే ఒకే లింగం కావడంతో పెళ్లి చేసుకోవడంలో ఇబ్బందులు ఎదురయ్యాయి. అబ్బాయిగా ఉండాలనే కోరిక అంతకు ముందే ఉన్నప్పటికీ సాధ్యం కాలేదు. కానీ కల్పనతో సంభాషిస్తున్నప్పుడు తాను ప్రేమలో పడ్డానని మీరా పేర్కొంది. "ప్రేమలో ప్రతిదీ న్యాయమే, అందుకే నేను నా జెండర్‌ని మార్చుకున్నాను అని ప్రస్తుతం ఆరవ్ కుంతల్‌గా మారిన మీరా తెలిపింది. విద్యార్థిని పెళ్లి చేసుకోవడానికి జెండర్‌ని మార్చుకున్న నలుగురు సోదరీమణులలో, మీరా ఆఖరి అమ్మాయి.
కుటుంబసభ్యులతో సంప్రదించిన తర్వాత, మీరా చివరకు 2019లో తన జెండర్‌ని మార్చుకోవాలని నిర్ణయించుకుంది. అనేక ప్రయత్నాల తర్వాత ఆమె తన కోరికను నెరవేర్చుకుంది. ఆరవ్ కుంతల్‌గా మారి నవంబర్ 4, 2022న కల్పనను వివాహం చేసుకున్నాడు. ఆరవ్ మీడియాతో మాట్లాడుతూ "నేను ఆడపిల్లగా పుట్టినా ఎప్పుడూ అబ్బాయిగానే ఆలోచించేవాడిని. నా జెండర్‌ని మార్చుకోవడానికి నేను ఎప్పుడూ శస్త్రచికిత్స చేయించుకోవాలని అనుకునేవాడిని. డిసెంబర్ 2019లో నాకు మొదటి సర్జరీ జరిగింది.
కల్పన మాట్లాడుతూ, "నేను మొదటి నుండి అతనిని ప్రేమిస్తున్నాను. అతను ఈ శస్త్రచికిత్స చేయించుకోకపోయినా, నేను అతనిని వివాహం చేసుకునేదాన్ని. ఆరవ్ శస్త్రచికిత్స చేయించుకున్నప్పుడు నేను అతనితోనే ఉన్నాను. ఇరువురి కుటుంబాల తల్లిదండ్రులు వారి వివాహాన్ని అంగీకరించి వధూవరులను ఆశీర్వదించారు. వధువు, కల్పన, రాష్ట్ర స్థాయి క్రీడాకారిణి. అంతర్జాతీయ ప్రో కబడ్డీలో పోటీ పడేందుకు కల్పన జనవరిలో దుబాయ్ వెళ్లనుంది.
