RGV : అమ్మాయి బర్త్‌డే పార్టీ.. వ‌ర్మ తుంట‌రి చేష్టలు..!

ఇండస్ట్రీలో వివాదాలు, సంచలన వ్యాఖ్యలు అంటే టక్కున గుర్తొచ్చే పేరు రామ్‌‌గోపాల్‌‌వర్మ.. తరచూ కాంట్రవ‌ర్సీలతో వార్తల్లో ఉండడం అర్జీవీ స్పెషాలిటీ. ఇదిలా ఉంటే ఈ మధ్య బుల్లితెర యాంకర్ లతో వర్మ చేస్తున్న రచ్చ అంతా ఇంతా కాదు. ఆ మధ్య బిగ్‌బాస్‌ భామ అరియానా గ్లోరీతో బోల్డ్‌ ఇంటర్వ్యూ ఇచ్చిన ఆర్జీవీ తాజాగా అషురెడ్డిని డిఫరెంట్‌ యాంగిల్‌లో ఫొటో తీసి షాక్‌ ఇచ్చాడు. ఈ రెండు ఇంటర్వ్యూలు సోషల్ మీడియాలో ఫుల్ పాపులర్ అయ్యాయి.

ఇప్పుడు మరో హాట్ టాపిక్‌‌తో వార్తల్లోకి ఎక్కాడు వర్మ.. అదేంటంటే.. బ‌ర్త్‌డే జ‌రుపుకుంటున్న ఓ అమ్మాయితో వర్మ ప్రవర్తించిన తీరు అందరిని షాక్‌‌కి గురిచేసింది. అమ్మాయి కేక్‌ కట్‌ చేస్తుండగా వర్మ కాస్త ఇబ్బందిగా ప్రవర్తించినట్టుగా వీడియోలో కనిపిస్తుంది. 'లైఫ్ ఎట్ ఆర్జీవీ కంపెనీ' అనే ఫేస్‌‌బుక్‌‌లో పోస్ట్ చేసిన ఈ వీడియో సోషల్ మీడియాలో వైరల్‌‌గా మారింది. ఇది చూసిన నెటిజన్లు వర్మ పైన మండిపడుతున్నారు. లేటు వయసులో వ‌ర్మ తుంట‌రి చేష్టలు అంటూ కామెంట్స్ చేస్తున్నారు.