రీల్స్ రోగం.. నడి రోడ్డుపై శవం మాదిరిగా..
ఉత్తరప్రదేశ్‌లోని కస్‌గంజ్ జిల్లాలో ఒక వింత సంఘటన చోటు చేసుకుంది. ఒక వ్యక్తి ఆన్‌లైన్ లో వైరల్ అవ్వాలనుకున్నాడు. శవంలా మారి రోడ్డుకి అడ్డంగా పడుకున్నాడు. తాను చేసిన పనికి పోలీసుల చేతిలో చీవాట్లు తిన్నాడు. ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. నెటిజన్లు ఈ వీడియో చూసి అతడికి పిచ్చి ముదిరిందని కామెంట్లు పెడుతున్నారు.
ముఖేష్ కుమార్ అనే వ్యక్తి కస్గంజ్లోని రోడ్డుపై కదలకుండా పడి ఉన్నాడు. చూసిన వారికి అతడు చనిపోయాడనే భ్రమ కలుగుతుదనడంలో ఆశ్చర్యం లేదు. కానీ అది అతడు రీల్స్ కోసం చేసిన నటన మాత్రమే. 23 ఏళ్ల ముఖేష్ "నిర్జీవమైన" శరీరంతో తెల్లటి బెడ్‌షీట్‌ కప్పుకుని రోడ్డు మీద పడుకున్నాడు. అతని ముక్కు రంధ్రాలలో దూది, మెడలో పూల దండతో, కలతపెట్టే వాస్తవిక దృశ్యాన్ని సృష్టించింది.
అయితే, వీడియో ముగియగానే పగలబడి నవ్వుతూ కుమార్ ఒక్కసారిగా లేచి కూర్చున్నాడు. అది చూసి ఆశ్చర్యపోయిన పాదచారులు తాము మోపోయామని గ్రహించి, వెంటనే ట్రాఫిక్ పోలీసులకు సమాచారం అందించారు.
తత్ఫలితంగా ప్రజలకు భంగం కలిగించినందుకు కుమార్‌ను స్థానిక పోలీసులు అరెస్టు చేశారు.
శ్రీ రాజేష్ భారతి, అదనపు పోలీసు సూపరింటెండెంట్ ప్రకారం, ఉత్తరప్రదేశ్‌లోని కస్గంజ్లోని రాజ్ కోల్డ్ స్టోరేజీ ప్రాంతంలో ఈ సంఘటన జరిగింది. ఓ వీడియోలో ఆయన మాట్లాడుతూ.. ''ఓ వ్యక్తి రోడ్డుపై పడుకుని వీడియో తీసి తన వీడియో ద్వారా షాక్‌ను సృష్టించాడు. దీనిని గుర్తించి, మేము ముఖేష్ కుమార్‌గా గుర్తించబడిన వ్యక్తిని అరెస్టు చేసాము, అవసరమైన చర్యలు తీసుకుంటాము అని వివరించారు.
సోషల్ మీడియా వినియోగ దారులు రోడ్డుపై ఇలాంటివి చేసే ప్రమాదాలు చోటు చేసుకునే అవకాశం ఉందని ఆరోపించారు. ఒక వినియోగదారు, ''రీల్ తయారీదారులు ఎంతకైనా దిగజారడానికి సిద్ధంగా ఉన్నారు'' అని చెప్పగా, మరొకరు ''వీక్షణల కోసం ప్రజలు ఇంత దిగజారిపోతారని నేను ఎప్పుడూ అనుకోలేదు'' అని వ్యాఖ్యానించారు.
మూడో వ్యక్తి ఇలా రాశాడు, ''ప్రపంచం అంతా విచిత్రమైన, వెర్రివాళ్ళతో నిండి ఉంది, వారికి మంచి రీల్స్ చేయడానికి శిక్షణ ఇవ్వాలి అని పేర్కొన్నారు.