ఐడియా అదుర్స్ : ఆధార్ కార్డులో వెడ్డింగ్ ఫుడ్!

చాలా మంది తమ పెళ్లిని డిఫరెంట్‌గా చేసుకోవాలని కొత్త కొత్త ప్రయోగాలు చేస్తుంటారు. తాజాగా పశ్చిమ బెంగాల్‌కు చెందిన ఓ జంట అలాగే వినూత్న ప్రయత్నం చేసింది. తమ పెళ్లి గురించి నలుగురూ చర్చించుకోవాలని విందులోని ఫుడ్ ఐటెమ్స్ వివరాలను.. ఆధార్ రూపంలోని కార్డుపై ప్రింట్ చేయించింది. దీంతో వివాహానికి హాజరైన అతిథులు ఆ మెనూ కార్డు చూసి ఆశ్చర్యపోయారు.

ఇక వివరాల్లోకి వెళ్తే.. పశ్చిమ బెంగాల్‌కు చెందిన వరుడు గోగోల్‌ షాహా, వధువు సుబర్ణ దాస్ లు తమ పెళ్లి పత్రికను అచ్చం ఆధార్‌ కార్డుల తయారు చేయించి వివాహ భోజనాల జాబితాను ఉంచారు. ఈ ఐడియా బావుందని కొత్త జంటను ప్రశంసించారు. డిజిటల్‌ ఇండియాకు మద్దుతునిచ్చేందుకు ఈ నూతన వధువరులు భిన్నంగా ఆలోచించారు. ప్రస్తుతం ఆ కార్డు ఫొటో వైరల్ అవుతోంది. కాగా ఈ జంట ఫిబ్రవరి 1 (సోమవారం) న వివాహం చేసుకున్నారు.