Taiwan: చైనాతో కలిసి పనిచేసేందుకు సిద్ధమన్న తైవాన్ అధ్యక్షుడు
చైనాతో వివాదాలు నెలకొన్న నేపథ్యంలో లాయ్ చింగ్-తె కీలక వ్యాఖ్యలు చేశారు. చైనాతో కలిసి పనిచేయడానికి తాను సిద్ధమని లై చింగ్ పేర్కొన్నారు. తైవాన్, చైనా మధ్య శాంతి ప్రాంతీయ స్థిరత్వానికి కీలకమని, అంతర్జాతీయ భద్రతకూ ముఖ్యమని ఆయన పేర్కొన్నారు. ఇటీవల తైవాన్ అధ్యక్షుడిగా ప్రమాణ స్వీకారం చేస్తూ చైనాపై చింగ్-తె ఘాటు వ్యాఖ్యలు చేశారు. తైవాన్ స్వయంపాలనను సమర్థించారు. దీంతో ఆగ్రహించిన చైనా లాయ్ చింగ్‌ను వేర్చాటువాదిగా పేర్కొంటూ తైవాన్ చుట్టూ భారీ ఎత్తున సైనిక విన్యాసాలు చేపట్టింది. దీంతో దూకుడు తగ్గించిన లాయ్ చింగ్ చైనాతో కలిసి సమన్వయం చేసుకొంటూ పనిచేసేందుకు సిద్ధమేనన్నారు.ప్రాంతీయ స్థిరత్వం చాలా కీలకమన్నారు. తైవాన్ జలసంధిలో అలజడులను అంతర్జాతీయ సమాజం అంగీకరించదని ఈ నేపథ్యంలో చైనాతో కలిసి పని చేసేందుకు సిద్ధంగా ఉన్నామన్నారు. పరస్పర అంగీకారంతో సంయుక్తంగా ఈ అంశాన్ని స్వీకరించాలని కోరుతున్నట్లు లాయ్ చింగ్ బీజింగ్‌కు పిలుపునిచ్చారు. అటు లాయ్ చింగ్ వ్యాఖ్యలపై తైవాన్‌లో తీవ్ర వ్యతిరేకత వ్యక్తమవుతోంది.
“ ప్రాంతీయ స్థిరత్వం చాలా కీలకం. తైవాన్ జలసంధిలో అలజడులను అంతర్జాతీయ సమాజం అంగీకరించదు. ఈ నేపథ్యంలో చైనాతో కలిసి పని చేసేందుకు సిద్ధంగా ఉన్నాం. పరస్పర అంగీకారంతో సంయుక్తంగా ఈ అంశాన్ని స్వీకరించాలని కోరుతున్నా” అని లాయ్ చింగ్ బీజింగ్‌కు పిలుపునిచ్చారు. ఇటీవల తైవాన్‌లో జరిగిన అధ్యక్ష ఎన్నికల్లో చైనా వ్యతిరేకిగా పేరొందిన లాయ్ చింగ్ తె విజయం సాధించిన సంగతి తెలిసిందే. అధ్యక్షుడిగా ప్రమాణ స్వీకార సందర్భంగా తమను బెదిరించడం ఆపాలంటూ డ్రాగన్‌కు గట్టిగా చెప్పారు. దీంతో ఆగ్రహించిన చైనా, తైవాన్ చుట్టూ భారీ ఎత్తున సైనిక విన్యాసాలు చేపట్టింది. ఈ నేపథ్యం లోనే దూకుడును తగ్గించిన లాయ్ చింగ్ ఈ వ్యాఖ్యలు చేశారు.