China: జాక్ మా ఎంట్రీతో అమాంతం పెరిగిన షేర్లు..

China: చైనా యొక్క అత్యంత ప్రసిద్ధ వ్యాపారవేత్తలలో ఒకరైన జాక్ మా 2021 చివరలో చైనా ప్రధాన భూభాగాన్ని విడిచిపెట్టారు. ఆ తర్వాత కొంతకాలం జపాన్, ఆస్ట్రేలియా, థాయ్‌లాండ్‌ ఫోటోగ్రాఫ్‌లలో కనిపించారు. అలీబాబా వ్యవస్థాపకుడు జాక్ మా చైనాకు తిరిగి వచ్చారని సౌత్ చైనా మార్నింగ్ పోస్ట్ (SCMP) సోమవారం నివేదించింది. సంవత్సరానికి పైగా చేసిన ఆయన విదేశీ పర్యటన ముగిసింది అని పేర్కొంది. ఒకప్పుడు దేశంలోని అత్యంత బహిరంగంగా మాట్లాడే వ్యాపారవేత్తలలో ఒకరైన జాక్‌మా, 2020 చివరలో చైనా యొక్క నియంత్రణ వ్యవస్థను విమర్శించిన తర్వాత ప్రజల దృష్టి నుండి వైదొలిగాడు. చైనా అధికారులు ఇటీవలి నెలల్లో తాము అణిచివేతను ముగించామని ప్రైవేట్ రంగానికి మద్దతునిచ్చే మార్గాలను అన్వేషిస్తామని చెప్పారు. SCMP నివేదిక ప్రచురించిన తర్వాత హాంకాంగ్‌లో అలీబాబా షేర్లు 4% కంటే ఎక్కువ పెరిగాయి. అయితే అతడు ఎప్పుడు చైనాకు తిరిగి వచ్చాడో పేర్కొనలేదు. హాంగ్‌జౌ నగరంలో అతను స్థాపించిన పాఠశాలను సందర్శించినట్లు తెలుస్తోంది. హాంకాంగ్‌లో కొద్దిసేపు ఆగిన తర్వాత అతను చైనాకు తిరిగి వచ్చాడని పేర్కొంది.