Trump Statue: ‘క్యాపిటల్‌’ ఎదుట ట్రంప్ బంగారు విగ్రహం
చేతిలో బిట్‌ కాయిన్‌ పట్టుకొని ఉన్న అమెరికా అధ్యక్షుడు డొనాల్డ్‌ ట్రంప్ 12 అడుగుల బంగారు విగ్రహాన్ని యూఎస్‌ క్యాపిటల్‌ భవనం ఎదుట ప్రతిష్ఠించారు. ఇది ప్రజలను ఆకర్షించడంతో పాటు వివాదానికి కేంద్రమైంది. ఫెడరల్‌ రిజర్వ్‌ 25 బేసిస్‌ పాయింట్ల వడ్డీ రేటు తగ్గింపును ప్రకటించిన వెంటనే ఈ విగ్రహావిష్కరణ జరిగింది.
క్రిప్టో కరెన్సీ పెట్టుబడిదారులు ఈ విగ్రహానికి నిధులిచ్చినట్టు ఏబీసీ సంస్థ తెలిపింది. భవిష్యత్తు డిజిటల్‌ కరెన్సీ, ద్రవ్య విధానం, ఆర్థిక మార్కెట్లలో ఫెడరల్‌ ప్రభుత్వ పాత్రపై చర్చను రేకెత్తించడానికి ఈ విగ్రహాన్ని ఏర్పాటు చేసినట్టు నిర్వాహకులు తెలిపారు. క్రిప్టో కరెన్సీకి అనుకూలంగా ట్రంప్‌కు ఉన్న వైఖరిని ప్రశంసిస్తూ పలువురు సామాజిక మాధ్యమాల్లో పోస్టులు పెట్టారు.
అమెరికా ఫెడరల్‌ రిజర్వు 25 బేసిస్‌ పాయింట్లు మేర వడ్డీ రేట్ల కోత విధిస్తూ కీలక నిర్ణయం తీసుకున్న సంగతి తెలిసు కదా.. ఇదే సమయంలో అమెరికా క్యాపిటల్‌ భవనం ఎదురుగా ట్రంప్ బంగారు విగ్రహాన్ని ఏర్పాటు చేశారు. తాజా ఈ విగ్రహానికి సంబంధించిన ఫొటోలు సోషల్ మీడియాతో తెగ చక్కర్లు కొడుతున్నాయి. 12 అడుగులు ఉన్న ఈ విగ్రహాన్ని ట్రంప్ బిట్‌కాయిన్‌ను పట్టుకుని ఉన్నట్లు రూపొందించారు. ఇక్కడ విశేషం ఏమిటంటే.. క్రిప్టోకరెన్సీ పెట్టుబడిదారులు ఈ విగ్రహం ఏర్పాటుకు నిధులు సమకూర్చినట్లు సమాచారం. డిజిటల్‌ కరెన్సీ భవిష్యత్తు, ద్రవ్య విధానం, ఆర్థిక మార్కెట్‌లో ఫెడరల్‌ ప్రభుత్వ విధానాల గురించి చర్చించుకునేలా చేసేందుకే ట్రంప్ విగ్రహాన్ని ఏర్పాటు చేసినట్లు నిర్వాహకులు పేర్కొన్నారని పలు కథనాలు వస్తున్నాయి. తెలుసు కదా.. ఏ విషయంలోనైనా రెండు రకాలుగా స్పందనలు వస్తాయని.. అదే విధంగా ఈ ట్రంప్ విగ్రహంపై కూడా సోషల్ మీడియా వేదిక కొంతమంది సానుకూలంగా స్పందించగా.. మరికొందరు విమర్శలు చేస్తున్నారు.
అమెరికా ఫెడరల్‌ రిజర్వు ఏడాది తర్వాత వడ్డీ రేట్లను తగ్గించింది. అమెరికా ఫెడరల్‌ రిజర్వు 25 బేసిస్‌ పాయింట్లు మేర వడ్డీ కోత విధించింది. ద్రవ్యోల్బణం పెరుగుతున్నప్పటికీ మందగిస్తున్న కార్మిక మార్కెట్‌కు ఊతం ఇవ్వడమే లక్ష్యంగా ఈ నిర్ణయం తీసుకున్నట్లు సమాచారం. ఫెడ్‌ అధికారులు మాట్లాడుతూ.. ఈ ఏడాదిలో మరో రెండుసార్లు వడ్డీరేట్ల కోత ఉండవచ్చని సూచనప్రాయంగా హింట్ ఇచ్చారు.