ఇజ్రాయెల్‌పై హమాస్ దాడులు.. అప్రమత్తంగా ఉండాలన్న కేంద్రం
ఇజ్రాయెల్‌పై హమాస్ దాడుల నేపధ్యంలో అక్కడి భారత రాయబార కార్యాలయం దేశంలో నివసిస్తున్న భారతీయ పౌరులను జాగ్రత్తగా ఉండాలని, స్థానిక అధికారుల సలహా మేరకు భద్రతా ప్రోటోకాల్ ను పాటించాలని కోరింది.ఇజ్రాయెల్‌పై రాకెట్ల వర్షం కురిపించిన తర్వాత పారాగ్లైడర్‌లను ఉపయోగించి భూమి, సముద్రం మరియు గాలి ద్వారా ఇజ్రాయెల్‌లోకి ప్రవేశించిన గాజా ఉగ్రవాదులతో పోరాడుతున్నట్లు ఇజ్రాయెల్ సైన్యం తెలిపింది.
ఇజ్రాయెల్‌లోని భారత రాయబార కార్యాలయం ఎక్స్‌లో ఒక పోస్ట్‌ పెట్టి అందులో ఇలా పేర్కొంది, "దయచేసి జాగ్రత్త వహించండి, అనవసరంగా బయటకు రాకండి, భద్రతా ఆశ్రయాలకు దగ్గరగా ఉండండి" అని పేర్కొంది.
ఇది పారాగ్లైడర్ల ద్వారా, సముద్రం గుండా మరియు భూమి గుండా జరిగిన సంయుక్త భూదాడి అని ఇజ్రాయెల్ ఆర్మీ ప్రతినిధి రిచర్డ్ హెచ్ట్ విలేకరులతో అన్నారు. "ప్రస్తుతం మేము పోరాడుతున్నాము. మా దళాలు ఇప్పుడు నేలపై పోరాడుతున్నాయి" అని ఆయన తెలిపారు.
ప్రాణనష్టం కూడా జరిగిందని ఆయన వివరించారు. గాజాతో పాటు ఉత్తర ఇజ్రాయెల్ శత్రువులైన లెబనాన్, సిరియా, ఆక్రమిత వెస్ట్ బ్యాంక్‌ల కోసం వేలాది సైనిక రిజర్వ్‌లు ఏర్పాటు చేయబడ్డాయి. ఉదయం 10.30 గంటలకు గాజా నుండి కనీసం 2,200 రాకెట్లు ఇజ్రాయిల్ పై ప్రయోగించబడ్డాయి. హమాస్ మిలిటెంట్లు ఈ సంఖ్యను 5,000 కంటే ఎక్కువ ఉంటుందని తెలిపారు.
2007లో హమాస్ నియంత్రణలోకి వచ్చిన తర్వాత ఇజ్రాయెల్ గాజాపై దిగ్బంధనాన్ని విధించింది. అప్పటి నుండి అనేక సరిహద్దు యుద్ధాలు జరిగాయి.