బంపరాఫర్.. వ్యాక్సిన్ తీసుకుంటే కారు గిఫ్ట్

కోవిడ్ వ్యాక్సిన్ తీసుకుంటే అదిరిపోయే బహుమతులు అందిస్తోంది హాంకాంగ్ గవర్నమెంట్. టెస్లా మోడల్ 3, ఐఫోన్, గోల్డ్ బార్‌లను బహుమతులుగా అందిస్తున్నారు. టీకాలు వేయించుకున్న వారికి పెద్ద పెద్ద కంపెనీలు ఖరీదైన రివార్డులను ప్రకటిస్తున్నారు. టీకాలు వేయించుకున్న వారందరికీ బంగారు కడ్డీలు దక్కించుకునే అవకాశం ఉంటుందని హాంకాంగ్‌కు చెందిన హెండర్సన్ ల్యాండ్ డెవలప్‌మెంట్ కంపెనీ ప్రకటించింది.

సన్ హంగ్ కై ప్రాపర్టీస్ లిమిటెడ్ టీకాలు వేయించుకున్న వారికి ఐఫోన్‌లు, టెస్లా కార్లు బహుమతులుగా అందిస్తోంది. ఆగస్టు 31 నాటికి టీకాలు వేయించుకున్న హాంకాంగ్ నివాసితులకు ఆస్ట్రేలియాకు చెందిన గుడ్‌మాన్ గ్రూప్ హెచ్‌కె $ 1 మిలియన్ కంటే ఎక్కువ రివార్డులను అందించేందుకు లాటరీ ద్వారా విజేతలను ఎంపిక చేస్తుంది.

టీకాల ప్రక్రియను పెంచడానికి రివార్డ్స్ లక్ష్యం

టీకాలు వేయించుకునేందుకు ప్రజలను ప్రోత్సహించడానికి ప్రపంచవ్యాప్తంగా అనేక దేశాలు చర్యలు తీసుకుంటున్నాయి. COVID-19 టీకా తీసుకున్నందుకు ప్రముఖ కంపెనీలు హాంకాంగ్ నివాసితులకు బహుమతులు అందిస్తున్నాయి. ఇతర కంపెనీలు షాపింగ్ వోచర్లు, సబ్సిడీలు ప్రకటించాయి.

రివార్డుల ప్రకటన తరువాత, మే చివరలో హాంకాంగ్‌లో టీకా బుకింగ్స్ సంఖ్య పెరిగింది. అలాగే, హాంకాంగ్ యొక్క 7.5 మిలియన్ల జనాభాలో దాదాపు 15.1% మంది ఇప్పుడు టీకాలు వేయించుకున్నారు.