'భారత్-పాక్ సహా 7 యుద్ధాలు ఆపాను', శాంతి ఒప్పందానికి మధ్యవర్తిత్వం వహించాను: ట్రంప్
నేను 7 యుద్ధాలను ముగించాను. యుద్ధం వలన వేల మంది ప్రాణాలు కోల్పోవడం, అపార ఆస్థి నష్టం సంభవించింది. ఏ ఇతర అధ్యక్షుడు లేదా నాయకుడు ఇలాంటి ప్రయత్నం ఎన్నడూ చేయలేదు.. నేను చేశాను అని ట్రంప్ అన్నారు.
తన ప్రసంగంలో, అమెరికా అధ్యక్షుడు డొనాల్డ్ ట్రంప్, అమెరికా "వ్యాపారం చేయడానికి భూమిపై అత్యుత్తమ దేశం" అని నొక్కి చెప్పారు. తన మునుపటి పరిపాలనలో అమెరికా ఆర్థిక వ్యవస్థను గతంలో కంటే మెరుగ్గా ఉందని అన్నారు. ఇది "ప్రపంచ చరిత్రలోనే గొప్పది", అమెరికా "మళ్ళీ గౌరవించబడుతోంది" అని పేర్కొన్నారు. ఖాళీ మాటలు యుద్ధాలను పరిష్కరించవు" అని ట్రంప్ ఐక్యరాజ్యసమితిని ఉద్దేశించి అన్నారు.
ట్రంప్ వ్యాఖ్యలు గత ప్రధాని జో బైడెన్‌ను టార్గెట్ చేసినట్లుగా ఉన్నాయి. గత పరిపాలన సంక్షోభాలను పెంచి, దేశాన్ని "పునరావృత విపత్తుల సమూహం"లోకి నడిపిందని ఆయన ఆరోపించారు.
ట్రంప్ ప్రసంగంలో ఎక్కువ భాగం వలసలపై ఆయన పరిపాలన యొక్క కఠినమైన వైఖరిని స్పష్టం చేసింది."UN అనియంత్రిత వలసలకు నిధులు సమకూరుస్తోంది. ఇది దండయాత్రలను ఆపడానికి, వాటికి నిధులు సమకూర్చడానికి కాదు" అని ఆయన అన్నారు.
తన దృఢమైన ప్రకటనలకు తోడు, వాణిజ్య రక్షణవాదంపై నిరంతర దృష్టిని సూచిస్తూ, భారతదేశం, రష్యా మరియు చైనాలపై సుంకాలను పెంచుతానని కూడా ట్రంప్ బెదిరించారు. "EU అన్ని రష్యన్ చమురు కొనుగోళ్లను నిలిపివేయాలి" అని పేర్కొన్నారు.
"రష్యన్ చమురు కొనుగోలును కొనసాగించడం ద్వారా చైనా మరియు భారతదేశం ఉక్రెయిన్‌లో కొనసాగుతున్న యుద్ధానికి ప్రాథమిక నిధులు సమకూరుస్తున్నాయి" అని ట్రంప్ అన్నారు.
యుద్ధాన్ని ముగించడానికి రష్యా ఒక ఒప్పందం కుదుర్చుకోవడానికి సిద్ధంగా లేనట్లయితే, యుఎస్ చాలా బలమైన శక్తివంతమైన సుంకాలను విధించడానికి పూర్తిగా సిద్ధంగా ఉంది, ఇది రక్తపాతాన్ని చాలా త్వరగా ఆపుతుంది, నేను నమ్ముతున్నాను." ఆ సుంకాలు ప్రభావవంతంగా ఉండాలంటే, యూరోపియన్ దేశాలు మాతో చేరాలి అని అన్నారు.
ఇక్కడ సమావేశమైన యూరోపియన్ దేశాలతో మేము ఈరోజు దాని గురించి చర్చించబోతున్నాము.” నా మనసులోని మాటను మాట్లాడటం మరియు నిజం మాట్లాడటం నాకు ఇష్టం” అని ఆయన అన్నారు.