భార్య 70వ పుట్టిన రోజున స్పెషల్ ట్రీట్ ఇచ్చిన అధ్యక్షుడు జో బిడెన్

అధ్యక్షుడు జో బిడెన్ తన భార్య 70 వ పుట్టినరోజును గురువారం తీరికగా బైక్ రైడ్‌తో జరుపుకున్నారు. ప్రెసిడెంట్ అతని భార్య జిల్ బిడెన్ - కొంతమంది సీక్రెట్ సర్వీస్ ఏజెంట్ల పర్యవేక్షణలో - వారి డెలావేర్ బీచ్ హోమ్ సమీపంలో కేప్ హెన్లోపెన్ స్టేట్ పార్క్ లో సైక్లింగ్ చేశారు.

గోర్డాన్స్ పాండ్ బీచ్ వద్దకు దంపతులు రావడంతో శ్రేయోభిలాషులు ప్రథమ మహిళను పుట్టినరోజు శుభాకాంక్షలతో పలకరించారు. 5.2-మైళ్ల (8.4 కిలోమీటర్ల) దూరం సైకిల్ ప్రయాణాన్ని ముగించినప్పుడు ఒక చిన్న బృందం ఆమెకు శుభాకాంక్షలు చెబుతూ "హ్యాపీ బర్త్ డే" పాట పాడారు. జిల్ బిడెన్ నవ్వి వారికి "ధన్యవాదాలు!" తెలిపారు.

జనవరిలో పదవీ బాధ్యతలు స్వీకరించిన తరువాత బిడెన్ జంట ఇంటి బయట చేసిన మొదటి సందర్శన ఇది. కమ్యూనిటీ కాలేజీ ఇంగ్లీష్ ప్రొఫెసర్ అయిన జిల్ బిడెన్ ఇటీవల నార్తరన్ వర్జీనియా కమ్యూనిటీ కాలేజీలో ఒక కోర్సును బోధించడం పూర్తి చేశారు. ఆమె వేసవిలో బోధించరు.